Queres saber canto aprendiches?
1
1-Emparella os sinónimos que aparecen na seguinte relación:
Cuíña, cunca, devasa, falla, fervenza, illó, ladeira, pear, presa, talude, vertente.
2
Localiza a definición que corresponda a cada un dos distintos tipos de terreos que se relacionan:
Cultivo de cereais, monte baixo, monte queimado, terreo deshabitado, terreo moi húmido, terreo con herba, terra de labor non cultivada, prado de regadío.
3
Identifica as palabras relacionadas co campo semántico da paisaxe de interior:
“Os aparecidos”
(…) Os espíritos ven e andan mellor de noite que de día.
Xa non digo nada da estadea, estadeíña, compaña ou santa compañía coa súa ocupada tomba, as súas luces unhas a acenderse e outras a apagarse, o seu acompañamento, vestidos endevidos todos con brancas sabas ou mantos con túnicas de alba color, con azafates e cirios acesos nas mans en forma de canelas, recollendo polos sendeiros, corredoiras, congostras, camiños, veigas, agros, leiras e gándaras, o mesmo polas ribeiras dos ríos e canles dos regueiros e polas costas do mar e polas lombas e cotarelos das baixas e altas montañas, aqueles ósos ou reliquias humanas que non puideron ser recollidas antes e gardadas, nas sepulturas dos cemiterios e do interior das igrexas asociando na misteriosa e espantable expedición cantos vivos encontrasen ó paso naquelas silenciosas e temidas horas da noite en que non era prudente andar por fóra da morada pacífica despois das dez e que deu marxe, por estes e outros sucedidos, ó dito popular:
Despois das dez
deixa a noite para quen é.
Antonio de la Iglesia: “Os aparecidos”, A Monteira, 1890.