Os campos semánticos e
as palabras dos campos semánticos manteñen entre si relacións xerárquicas:
Hipónimos, hiperónimos e cohipónimos son as relacións xerárquicas ou de inclusión que manteñen entre si as palabras
dun campo semántico e/ou coas palabras doutros campos:
Un termo é hiperónimo doutro cando é xerarquicamente superior a el,
posúe un significado máis xeral e inclúeo. Do mesmo xeito, este segundo termo é
hipónimo con respecto ao primeiro, ten un significado máis específico e está
englobado nel. Por exemplo, músico
é o hiperónimo de frautista, gaiteiro, pianista, etc. e estes son os
seus hipónimos.
Os termos dependentes dun mesmo hiperónimo chámanse cohipónimos. Así, frautista,
gaiteiro, violinista e pianista son cohipónimos entre si.
Hiperónimo: seres vivos.
Hipónimo: animal, persoas, plantas= cohipónimos |
hiperónimo:
animal
hipónimo:
mamíferos, reptís= cohipónimos |
Hiperónimo: mamíferos
Hipónimo: ovella, delfín, gato, can=
cohipónimos |