Agrupa as seguintes palabras en cinco campos semánticos diferentes:

Cal é o campo semántico ao que pertencen as seguintes palabras?

Rabaño, grea (rabaño de toda unha clase de gando, especialmente a manada de égoas e cabalos coas súas crías).

Fato (grupo de animais)

Manda (banco de peixe)

Cardume (banco ou grupo grande de peixes da mesma especie que se moven xuntos).

Indica as palabras do campo semántico do tempo de choiva que hai neste texto:

Treboada.

O val amañeceu con todos os louxados cubertos de orballo. Despois, un mouro nubeiro toldou o ceo polo leste, o que facía presaxiar unha forte treboada, anunciada deseguida con algún lonxano alustro que enchía de luces o monte do Xirimil; acompañábanos os estalidos dos trebóns que se achegan. A trona botóusenos enriba de golpe e os lóstregos cruzaron o ceo. A claridade que acompañaba os fogonazos perduraba na retina. Ao pouco, unhas pingadas raras e grosas deron paso a unha bátega. Os refachos aumentaron e logo escoitamos a choiva zurrando contra os vidros. Dende a fiestra contemplei como a auga que esvaraba pola costa se convertía nunha enxurrada que buscaba ás carreiras o caneiro, para desaparecer nel. Vendo como arroiaba, un auténtico diluvio, ninguén esperaba que estiñase tan rapidamente. O golpeteo xordo das  gallas da figueira contra o corredor comezou a froxar. Amainaba. Clarexou algo e apareceu nidiamente o arco da vella debuxado contra o monte. Desfíxose case tan axiña coma as de verán, cando as tardes de alfa, irrespirábeis, chaman pola treboada que refresque os sentidos e espante a xoula. Mais, desta vez, do que non puidemos disfrutar foi do intenso olor que asolaga a terra despois das treboadas de verán.