Xa sabes que as persoas maiores recibimos información e cultura dos nosos devanceiros condensada en refráns e ditos que repetimos a miúdo. Velaquí che deixo algúns, para que sigan o seu camiño...
U-la chave do tesouro?
Refráns
Refráns
Boas olas, boas sobras.
Casa de dúas portas é mala de gardar.
Co candil morto todo é loito.
Nin casa ao pé do río, nin viña ao pé do camiño.
O que non vén á miña casa, bótame fóra da súa.
Os cachos tiran ás olas.
Onde vivan cen, vive ti tamén.
O que á beira do río mora, unhas veces canta e outras chora.
Frases feitas
Andar de carrabandeira: estar fóra de casa a falar con uns e con outros
Ser a porta da vila: ser unha persoa locuaz
Ir cos da feira e vir cos do mercado: mudar facilmente de opinión
Estar de concello: estar a falar
Non ter lume nin casa ( ou “non ter leito nin teito”): non ter ocupación.
Sen casa nin lar: sen domicilio fixo.
Adiviñas o que é?
Cen redondiñas
e un redondón,
un saca saca e un quita e pon.
Adiviña o que é:
Queres recuncar?
Acertaches algunha? he,he. Vouche poñer a última, a ver se a adiviñas. Como é un tanto difícil douche varias opcións: o adival (corda), o estadullo (pau), o fol.