Moito me gusta deixarche estas frases e refráns que lle dan vida á nosa lingua. Oxalá que as novas xeracións manteñades en uso este fermoso vocabulario.
U-la chave do tesouro?
Refráns e frases feitas
Refráns, ditos e frases feitas
-
Refráns
Cando hai uvas e figos, amaña os teus vestidos.
O que o vello non remenda sempre anda metido na tenda.
Casa cousa pro que é, e o zapato pro pé.
- Observa as seguintes frases feitas e os seus significados:
|
Comprar para as medras |
Mercar a roupa grande |
|
Por campar, rabiar |
Ir incómodo por ir elegante |
|
Non pousar a mosca nun |
Andar ben vestido e elegante |
|
Andar feito un farrapo |
Andar vestido con roupa vella e esfiañada |
|
Andar feito un adán |
Estar fisicamente descoidado |
|
Ir de gala/vestir de gala |
Vestir moi elegante |
|
Facer gala |
Gabarse |
|
Estirar os pés máis do que cobre a manta |
Exceder os límites das propias posibilidades |
- Observa o significado da palabra “fío” nas seguintes frases:
|
Fío da auga |
A tona da auga |
|
Fío de armar |
O fío que remata a rede |
|
A fío |
De maneira continua (“pingar a fío”) |
|
Non dar puntada sen fío |
Actuar examinando antes os posibles beneficios |
|
Pendurar dun fío |
Estar ameazado de ruína |
|
Perder o fío |
Esquecer, nunha conversa ou discurso, o asunto do que se estaba a falar |