PARABÉNS

Parabéns, Amelia!

No faiado da casa deixei a miña biblioteca. Alí están os dicionarios, as coleccións sobre animais, viaxes, arquitectura, saúde...e todo aquilo que me chamou a atención nesta vida. Están tapados con sabas, así que non temas, non terán arañas.

Moitas cousas fermosas tes por aprender nesta vida! Na bitácora fun escollendo algunhas, pero non podo competir cos libros, nin pretender abarcalo todo. Cando algo non saibas tamén llelo podes preguntar a teus pais, á avoa, aos veciños...

As árbores

MARABILLOSO o mundo das ÁRBORES!

Se queres a chave da segunda porta, has precisar coñecementos básicos da flora galega.

Eis tes información sobre moitas das árbores máis comúns da nosa terra. Na biblioteca atoparás moita máis información, tamén na web. Ah! e non esquezas seguir visitando os nosos bosques (Fragas do Eume, Serra da Enciña da Lastra, O Teixadal...) e as árbores senlleiras de Galicia (coma o pai dos rebolos ou o érbedo do Pazo de Mariñán). A lenda do monte Medulio tamén che vai gustar... pódela consultar, entre outros sitios, neste enderezo web: Monte_Medulio