Os dinamómetros son simples resortes que seguen a lei de Hooke. Á esquerda temos dous dinamómetros de iguais características nos que hai dous pesos diferentes. Á dereita temos unha ampliación da fotografía anterior. Observa que a deformación no segundo dinamómetro é o dobre debido a que soporta o dobre de peso
Se observaches a simulación anterior, terás visto que a forza aplicada sobre un resorte é directamente proporcional á deformación. Esta lei recibe o nome de "Lei de Hooke" e é a base da construción dos chamados dinamómetros que serven para medir forzas (mira as figuras).
A constante de proporcionalidade, k, chámase constante elástica do resorte e depende do material e das características xeométricas do mesmo. A súa unidade no sistema internacional é o Newton dividido por metro (N/m).
Lei de Hooke: 
Se queremos aplicar unha forza externa de modo que o corpo sometido á forza elástica estea en equilibrio, deberemos facer que esta sexa igual que a elastica e de sentido contrario: 
A masa unida ao resorte está en equilibrio debido a que as dúas forzas que actúan sobre ela se anulan. Móstrase un resorte estirado por unha forza externa.
