(Século XII-XIII) Vista do interior, catedral de Tui, Pontevedra — María Villarino. *Vista do interior da nave dende a tribuna onde se ven os tirantes engadidos tralo terremoto de Lisboa (1755) baixo a altura das arcadas da tribuna* (CC BY-SA)

Definición

Tribuna: construción elevada como un balcón no interior dun edificio que pode ser transitada.

Lectura facilitada

Apoio visual

Explicación

(Século XIII) Catedral de San Xusto e Pastor, Narbone, Francia — Fernando Díaz. *Vista da tribuna dende a nave principal, entre os arcos formeiros e o claristorio, dunha catedral gótica* (CC BY-SA)

A tribuna na Antiga Roma era o lugar do Foro que ocupaba o orador (tribuna arengaria). Nalgúns casos, a tribuna é un lugar destacado reservado ás autoridades (anfiteatro, teatro, estadio...)

Esta especie de mirador ou palco popularízase nos templos como galería ou corredor sobre as naves onde poden aloxarse os fieis. Ás veces teñen celosías para que os asistentes non sexan vistos (o matroneum paleocristiá onde asistían as mulleres ós cultos).

Xeneralízase nas catedrais e nas igrexas de peregrinación do medievo para acoller a un grande número de fieis (imaxe 1). Neste caso adquire tamén un valor construtivo xa que recolle os empuxes da nave central, distrinbuindoos cara ós contrafortes exteriores.(imaxe 2, imaxe 3)

Non confundir con triforio.

(Século XIII) Tribuna e arcos de faixa, catedral de Santiago de Compostela — Fernando Díaz. *Vista dende a tribuna dunha catedral de peregrinación románica* (CC BY-SA)

(Século XVI) Catedral Nova, Salamanca — Fernando Díaz. *Tribuna que percorre todo o perímetro dunha catedral gótica* (CC BY-SA)

(Século XIII) Vista interior, catedral de Notre Dame, París — Fernando Díaz. *Tribuna nunha catedral gótica* (CC BY-NC-SA)