Ilustración que representa columnas de orde dórica na fachada do mosteiro de San Martiño Pinario. Detalle da fachada sur, Frai Gabriel de las Casas. Neoclásico, século XVII e XVIII — María Villarino. *Columnas de orde dórica* (CC BY-SA)

Definición

Capitel dórico: tipo de capitel dunha columna de orde grega dórica. Componse de tres pezas: ábaco (peza prismática de planta cadrada baixo o entaboamento), equino (figura convexa cónica que une fuste e ábaco) e colariño (prolongación do fuste cunha acanaladura).

Lectura facilitada

Apoio visual

Explicación

Ilustración que mostra o esquema de elementos da orde dórica — María Villarino. *Orde dórica* (CC BY-SA)

A orde dórica é a máis antiga e sobria da arquitectura grega. O seu nome provén da antiga tribo grega dos dorios.

Os seus elementos son:

Columna sen base, descansa directamento na estilóbata.
Fuste de sección circular e corto (dez veces o raio na base). Acanalado con vinte estrías de ángulos vivos.
Capitel formado por ábaco, equino e colariño.
Entaboamento formado por:

Arquitrabe liso e groso
Friso decorado con métopas, glifos e tríglifos
Cornixa sobresaínte.

A orde dórica utilizouse no período Arcaico e Clásico grego, pero con proporcións cada vez máis esveltas e recursos de corrección visual (o éntase utilizado por Fidias no Partenón). En Roma (imaxe 1) e nos estilos posteriores de influencia clásica, tamén o empregarán: Renacemento, Barroco (imaxe 2), Neoclásico (imaxe 3)...ata hoxe.

(27 a.C.) Anfiteatro romano "Les Arenes", Nimes, Francia — Fernando Díaz. *Columnas de orde dórica no primeiro andar dun anfiteatro romano* (CC BY-SA)

Columnata de San Pedro do Vaticano, de orde dórica. Gian Lorenzo Bernini, barroco,século XVII — Fernando Díaz. *Pórtico de columnas dóricas barrocas* (CC BY-SA)

Columnas dóricas na fachada da catedral de San Pere de Vic (Barcelona). Neoclásico, século XVIII — Fernando Díaz. *Columnas dóricas na fachada neoclásica da catedral de Vic* (CC BY-SA)