Frai Gabriel das Casas (século XVIII) Igrexa de San Paio Antealtares, Santiago de Compostela — María Villarino. *Vista aerea do conxunto arquitectónico de Antealtares onde se observa a planta da igrexa cós brazos das naves de igual lonxitude, en forma de cruz grega* (CC BY-SA)

Definición

Planta de cruz grega: tipo de planta dun edificio con forma de cruz grega, é dicir, de cruz con catro brazos de igual medida que se cruzan nun ángulo recto. É un tipo de planta centralizada.

Lectura facilitada

Apoio visual

Explicación

Fischer von Erlach,Johann Bernhard e Fischer von Erlach, Joseph Emanuel (1716) Igrexa de San Carlos Borromeo, Viena — Fernando Díaz . *Igrexa con planta de cruz en torno ó eixo central da cúpula* (CC BY-SA)

A orixe deste tipo de planta está na arquitectura oriental e chega ó mundo mediterráneo co Imperio Bizantino (imaxe 1).

A arte visigoda toma a basílica romana e a arte bizantina de referencia e emprega tanto a planta basilical como a de cruz grega (imaxe 2).

No románico, a planta de cruz grega será desprazada pola planta de cruz latina.

No Renacemento recupérase este tipo de planta. Por exemplo, o proxecto de Bramante para a basílica de San Pedro do Vaticano que será modificado posteriormente, era unha planta de cruz grega centralizada derredor do sepulcro de San Pedro (imaxe 3).

A planta de cruz grega vincúlase á Igrexa Ortodoxa, polo que atopamos construcións desta tipoloxía na arquitectura da Europa Oriental ata hoxe.

(Século XI) Vista exterior da basílica de San Marcos, Venecia — Fernando Díaz . *Vista exterior dunha basílica bizantina con planta de cruz grega* (CC BY-SA)

(Século VIII). Igrexa de San Trocado e Santa Comba, Bande, Ourense — Fernando Díaz. *Planta de cruz grega, na actualidade, nunha igrexa visigótica* (CC BY-SA)

Bramante, Donato d´Angelo (1505) Proxecto para a Basílica de San Pedro — María Villarino. *Proxecto de Bramante para a basílica de San Pedro do Vaticano* (CC BY-SA)