Detalle da liña de imposta no exterior da colexiata de Santa María do Campo (A Coruña). Románico, século XII — María Villarino. *Liña de imposta decorada con relevo de bolas* (CC BY-SA)

Definición

Imposta: en arquitectura é o saínte que marca o arrinque dun arco ou unha bóveda, tamén pode indicar a separación entre os andares dun edificio.

Lectura facilitada

Apoio visual

Explicación

María Villarino. *Partes dun arco* (CC BY-SA)

A imposta pode marcar a intersección entre un elemento sustentado curvo (arco ou bóveda) e un elemento de sustentación (columna, piar ou muro). Está baixo a primeira doela do arco, chamada saimel. A sucesión de impostas dun grupo de arcos, chámase liña de imposta. (imaxe1).

A imposta pode sobresaír, ter unha moldura ou outros elementos decorativos, dende o arrinque dun arco ou dunha bóveda (imaxe 2).

Unha imposta tamén pode ser corrida, sen interrupcións, no muro do edificio, sinalando os niveis dos andares do edificio e organizando as ordes arquitectónicas (imaxe 3).

Liña de imposta nunha portada gótica.(ca. 1225) Detalle da portada da catedral de Santa María, Tui, Pontevedra — Fernando Díaz. *Liña de imposta nunha portada gótica* (CC BY-SA)

Imposta decorada con bolas e relevos. (ca. 1150) Detalle da fachada da igrexa de San Martín, Frómista, Palencia — Fernando Díaz. *Imposta saínte decorada con bolas e relevos* (CC BY-SA)

Imposta corrida marcando os niveis do edificio.(ca. 1060) Detalle da fachada da catddral de Santa María Asunta, Pisa, Italia — Fernando Díaz. *Imposta corrida marcando os niveis do edificio* (CC BY-SA)