Ilustración que representa un arco de medio punto nos restos do campamento romano de Aquis Querquernis, Bande (Ourense) — María Villarino. *Arco de medio romano* (CC BY-SA)

Definición

Arco de medio punto: tipo de arco que ten o intradorso de forma semicircular, a frecha mide igual á semiluz.

Lectura facilitada

Apoio visual

Explicación

María Villarino. *Partes do arco* (CC BY-SA)

O arco de medio punto é a base da arquitectura abovedada, formando a bóveda de canón. Pode ser de distintos materiais: de adobe, ladrillo ou pedra. Cada unha das pezas do arco chámase doela.

O arco de medio punto xa se empregaba en Mesopotamia. Os romanos souberon recoller esta tradición de pobos anteriores (imaxe 1) e destes pasará á arquitectura occidental ó longo da Historia da Arte: dende o Románico (imaxe 2), Renacemento (imaxe 3), Barroco, Neoclásico... ata hoxe.

Ten variantes como o arco peraltado ou o arco rebaixado.

Arcos de medio punto no interior da igrexa de San Xoán de Boí (Lleida), século XIII. — Fernando Díaz. *Arcos de medio punto nun acueduto romano* (CC BY-SA)

Arcos de medio punto nunha fachada románica, (ca. 1070), Fachada da catedral de Santa María Asunta, Pisa, Italia — Fernando Díaz. *Arcos de medio punto nunha fachada románica* (CC BY-SA)

Arco de medio punto na basílica de San André de Mantua, século XV. Mantua (Italia) — Fernando Díaz. *Arco central de medio punto e bóveda de canón nunha portada renacentista* (CC BY-SA)