Arcobotantes engadidos no século XVIII á Igrexa románica da Santa María do Sar. Compostela — María Villarino. *Arcobotantes exteriores laterais* (CC BY-SA)

Definición

Arcobotante: elemento arquitectónico construtivo que consiste nun arco rampante que transmite os empuxes laterais dunha bóveda a un contraforte ou botarel exterior do edificio.

Lectura facilitada

Apoio visual

Explicación

(Século XIV) Catedral de Friburgo, Alemaña — Fernando Díaz. *Arcobotantes decorados sustentando o peso das bóvedas do interior* (CC BY-SA)

Os arcobotantes son arcos exteriores de descarga e por isto adoitan ter unha posición inclinada (imaxe 1).

A parte superior do arcobotante apoiase no muro e recibe o empuxe da bóveda interior por medio dos arcos de faixa ou nervaduras (imaxe 2). A parte inferior do arcobotante apoia no estribo ou contraforte (imaxe 3).

O arcobotante é un elemento típico da arquitectura gótica e empregouse por vez primeira na catedral de Notre Dame de París no século XII.

(Gótico, século XIII.)Arcobotantes. Catedral de León. — Fernando Díaz. *Punto de unión dos arcobotantes cós contrafortes* (CC BY-SA)

(Gótico, século XIV) Vista cenital dos arcobotantes. Catedral de Sevilla. — Fernando Díaz. *Vista de arcobotantes recollendo o peso das bóvedas* (CC BY-SA)

(Gótico, século XII) Arcobotantes soportando o peso da cúpula ata o chan. Catedral de Notre Dame, París. — Fernando Díaz. *Arcobotantes dirixindo o peso cara os contrafortes do exterior* (CC BY-SA)