Saltar navegación

Liña serpentina

Definición

Liña serpentina: concepto tradicional na arte que designa á liña ou esquema compositivo, ou figura que ten forma sinuosa como unha serpe ou en "S", rotada sobre si mesma (en hélice ou helicoidal). Está relacionada có contraposto, dando sensación de movemento máis esaxerado e con máis tensión do corpo. Tamén se emprega o termo en italiano serpentinata

Apoio visual

Fernando Díaz (CC BY-SA)

Explicación

Agesandro, Polidoro e Atenodoro (copia romana I d.C.) "Lacoonte e os seus fillos" [escultura en mármore] Museos Vaticanos, Vaticano
Fernando Díaz. "Laoconte e os seus fillos", escultura do período helenístico descuberta en 1506 (CC BY-SA)



A liña ou figura serpentina é un recurso destinado a acentuar o dinamismo da figura e dotala de maior expresión dramática.

O corpo entórtase helicoidalmente en torno a un eixo vertical, de xeito que as pernas xiran nun sentido mentres o torso no inverso (imaxe 1). É un movemento similar á curva praxiteliana,  aínda que máis pronunciado.

Disque a popularización do uso da liña serpentina tanto na pintura (imaxe 2) como na escultura (imaxe 3),  foi froito do descubrimento en 1506 do grupo escultórico clásico "Laoconte e os seus fillos".

Imaxe 1
Puget, Pierre (1682) "Milón de Crotona" [escultura en mármore], Museo do Louvre, París
Fernando Díaz. Torsión da parte superior do corpo e desprazamento respecto a un eixo vertical nunha escultura barroca (CC BY-SA)
Imaxe 2
Teotocopuolos, Domeniko (ca. 1590) "Cristo na cruz xunto a dous doantes" [óleo sobre lenzo] Museo do Louvre, París
Fernando Díaz. Composición serpentina aplicada á anatomía humana (CC BY-SA)
Imaxe 3
de Boloña, Jean (1580) "O Rapto das Sabinas" [escultura en mármore] Loggia della Signoria, Florencia
Fernando Díaz. Figura serpentina nun conxunto escultórico (CC BY-SA)

 

Feito con eXeLearning (Nova ventá)