Cadro cunha escena de época con personaxes históricos. Álvarez de Sotomoyor, Fernando (1945). "Saída dos Reis Católicos do castelo da Mota". — María Villarino. *Cadro cunha escena de época con personaxes históricos* (CC BY-SA)

Definición

Cadro de Historia: xénero pictórico que narra unha historia. Esta acción narrada pode ser verídica ou non. Pode ser unha pasaxe histórica, lexendaria, mitolóxica, relixiosa, literaria, etc … Pode ter un carácter conmemorativo, propagandístico ou moralizante.

Lectura facilitada

Apoio visual

Explicación

Uccello, Paolo (1456). "A batalla de San Romano" [pemple ao ovo sobre táboa]. Museo de Louvre — Fernando Díaz. *Pintura que narra unha victoria con finalidade conmemorativa e propagandística* (CC BY-SA)

Dende o Renacemento, tomando o testigo da Idade Antiga, considérase como o xénero pictórico principal. Non será ata o século XIX cando outros xéneros gañen importancia.

O cadro de Historia caracterízase no seu contido por ser unha pintura narrativa: a escena que se representa conta unha historia real ou fantástica (imaxe 1). Pode ter un carácter moralizante, conmemorativo, propagandístico, didáctico,...(imaxe 2)

Soen ser pinturas de grande formato e numerosos protagonistas, composicións complexas nun escenario teatral (imaxe 3).

David, Jacques Louis (1799). "O rapto das sabinas" [óleo sobre lenzo]. Museo do Louvre, París — Fernando Díaz. *Escenografía teatral nun cadro de historia de tema mitolóxico* (CC BY-SA)

Scheffer, Ary (1827). "As mulleres souliotas" [óleo sobre lenzo]. Museo do Louvre, París — Fernando Díaz. *Detalle de cadro de historia con intención moralizante* (CC BY-SA)

David, Jacques Louis (1806). " A consagración de Napoleón" [óleo sobre lenzo] Museo do Louvre — Fernando Díaz. *Cadro de historia e retrato grupal de grande formato, máis de 9x6 metros* (CC BY-SA)