Definición

Arco peraltado: díse do arco de calquera tipo (medio punto, apuntado, ferradura,…) que ten peralte, é dicir, que sobrepasa verticalmente a media circunferencia incluíndo máis doelas sobre as impostas. O peralte tamén pode ser unha calidade das bóvedas.

Lectura facilitada

Apoio visual

Explicación

María VIllarino. *Partes do arco* (CC BY-SA)

Recibe este nome polo peralte: doela no saimel alongada ou engadida dende onde arrinca o arco.

Os primeiros arcos peraltados usáronse na arte asturiana e de aí pasa á arte románica (imaxe 1). Logo empregaránse no Gótico, Renacemento, Barroco....

Pola súa propia definición, presenta tramos rectilíneos por riba da liña de imposta. É un recurso para dar máis altura e verticalidade ós váns de portas e fiestras (imaxe 2).

O máis común é o arco peraltado de medio punto, aínda que tamén hai arcos de ferradura ou apuntados (imaxe 3) con peralte.

(Século XII) Arcos peraltados formeiros e de faixa na catedral de Santiago de Compostela. — Fernando Díaz. *Arcos formeiros e de faixa peraltados, influencia da arte asturiana* (CC BY-SA)

Forster, Ludwig (1859) vista exterior, Gran Sinagoga, Budapest — Fernando Díaz. *Arco peraltado da máis sensación de verticalidade* (CC BY-SA)

(Século XIII) Arco peraltado na igrexa de San Vicente de Besalú (Xirona). — Fernando Díaz. *Arco peraltado apuntado ou lanceolado* (CC BY-SA)