É cada unha das pezas que forman o arco. A doela do centro, que pecha o arco, chámase doela clave.

A doela do extremo do arco e que recibe todo o seu peso, chámase saimel (primeira doela do arrinque dende a liña de imposta).

A parte interior dunha doela chámase intradorso e o lombo, que non se ve por estar dentro da construción, extradorso (imaxe 1).

Unha característica da arte islámica, que tivo grande influencia noutros estilos, foi a inclusión de decoración e alternancia de cores nas doelas dos arcos (imaxe 2)

Na arte románica e gótica, as doelas de arcos situados en portadas e fachadas, ás veces son decoradas con relevos (imaxe 3).

Imaxe 1

Imaxe 2

Imaxe 3