Unha perspectiva é unha forma de representalo espazo nunha superficie bidimensional. A perspectiva lineal é un procedemento que emprega coñecementos en percepción visual e xeometría para evocar a ilusión de realidade tridimensional nunha superficie plana (lenzo, papel, muro...) (imaxe 1).

A perspectiva lineal ten en conta as deformacións e alteracións de tamaño propias da posición do/a que mira e a súa distancia respecto ó representado. Utiliza liñas que conflúen en puntos imaxinarios (puntos de fuga) que simulan o efecto da profundidade o que fai que figuras e obxectos mais alonxados aparezan máis pequenos (imaxe 2).

Foi desenvolvida no Renacemento italiano a partir das teorías da Grecia clásica (imaxe 3), o que supón o abandono progresivo da perspectiva xerárquica e da superposición de planos.

Imaxe 1

Imaxe 2

Imaxe 3