Follas de cálculo

Excel e Google Sheets

Ocultar

As follas de cálculo, como Excel ou Google Sheets facilitan a organización de datos, cálculos con fórmulas complexas, representacións gráficas e simulacións de experimentos aleatorios mediante xeradores de números aleatorios e outras funcións estatísticas. Como ferramenta informática a folla de cálculo é moito máis flexible que o software puramente estatístico (SPSS, Statgraphics etc.). Ademais conta coa vantaxe da disponibillidad, xa que pode encontarse en case todos os computadores.

  • Microsoft Excel é un programa desenvolvido por Microsoft. Algunhas das súas principais características son:
    • Permite organizar, analizar e almacenar datos en follas de cálculo formadas por celas organizadas en filas e columnas.
    • Ofrece unha ampla variedade de funcións matemáticas, estatísticas, financeiras, etc. para realizar cálculos sobre os datos.
    • Inclúe ferramentas para crear gráficos e visualizacións a partir dos datos.
    • Permite importar e exportar datos desde/a outros formatos como CSV, bases de datos, etc.
    • Posibilita crear fórmulas e funcións personalizadas mediante a linguaxe Visual Basic for Applications (VBA).
    • Útil para tarefas como orzamentos, follas de pagos, análise de vendas, rexistros, etc.
    • Moi utilizado en negocios, finanzas, contabilidade, investigación e educación.
    • Permite automatizar tarefas rutineiras mediante macros.

Excel destaca pola súa versatilidade, facilidade de uso e ampla gama de funcionalidades para xestionar, analizar e visualizar datos tabulares. Forma parte do paquete ofimático Microsoft Office.

  • Google Sheets é un programa en liña desenvolvido por Google, similar a Microsoft Excel. Algunhas das súas principais características son:
    • Accesible a través da nube, polo que non require instalación de software adicional.
    • Permite crear, editar e compartir follas de cálculo en liña de forma colaborativa en tempo real.
    • Inclúe funcións para cálculos matemáticos, estatísticos, financeiros, etc.
    • Ofrece ferramentas para crear gráficos e visualizacións de datos.
    • Compatibilidade para importar/exportar arquivos en formatos como .xlsx, .csv, .pdf, etc.
    • Posibilidade de automatizar tarefas mediante o uso de scripts de Google Apps Script.
    • Accesible desde calquera dispositivo con conexión a Internet (ordenadores, tablets, móbiles).
    • Facilita o traballo colaborativo permitindo que múltiples usuarios editen simultaneamente.
    • Almacenamento en liña con Google Drive, evitando perder datos.

Google Sheets destaca pola súa accesibilidade na nube, facilidade de uso, capacidades de colaboración e integración cos outros servizos de Google como Drive, Gmail, etc. É unha alternativa gratuíta a programas de escritorio como Excel.

Exemplos con Excel

Ocultar

  • Distribucións discretas

Binomial

Microsoft Excel permítenos calcular a probabilidade de obter un número concreto de éxitos P(X=xi) dunha variable aleatoria discreta que segue unha distribución binomial B(n,p). Para iso, en inserir función, seleccionamos dentro do tipo de funcións estatísticas, o comando:

DISTR.BINOM.N(núm_éxito;ensayos;prob_éxito;acumulado)

onde

  • ensayos, é o número de fases do experimento (n).
  • prob_éxito, é a probabilidade de éxito (p).
  • acumulado, é un valor lóxico. Se o argumento acumulado é igual a FALSO, obtense a probabilidade de que haxa exactamente x éxitos e se é igual a VERDADERO obtense a probabilidade acumulada.
+ Exemplos

Se X∼B(10,0.2)

1. P(X=3): =DISTR.BINOM.N(3; 10; 0,2; FALSO)
Resultado: 0.201326592

2. P(x≤3): =DISTR.BINOM.N(3; 10; 0,2; VERDADERO)
Resultado:  0.8791261184

Poisson

Unha das aplicacións comúns da distribución de Poisson é a predición do número de eventos nun determinado período de tempo. Para o seu cálculo, dentro da pestaña fórmulas, seleccionamos en funcións estatísticas, o comando:

POISSON.DIST(x;media;acumulado)

onde:

  • x, é o número de sucesos (xi).
  • media, é o valor numérico esperado (valor media ou λ).
  • acumulado, é un valor lóxico. Se o argumento acumulado é VERDADEIRO, devolve a probabilidade de Poisson de que un evento aleatorio ocorra un número de veces comprendido entre 0 e x inclusive; se o argumento acumulado é FALSO, a función devolve a probabilidade de que un evento ocorra exactamente x veces.
+ Exemplos

Se X∼P(15)

1.  P(X=17): =POISSON.DIST(17;15;FALSO)
Resultado: 0,084735551

2. P(x≤15):  =POISSON.DIST(20;15;VERDADERO)
Resultado: 0,91702909

    • Distribucións continuas

    Normal Estándar: N(0, 1)

    Para calcular, nunha distribución normal de media cero e desviación típica un, a probabilidade que se atopa por baixo do valor “a”, P(Z ≤ a), dentro da pestaña fórmulas, seleccionamos en funcións estatísticas, o comando:

    DISTR.NORM.ESTAND.N(z;acumulado)

    onde:

    • z, é o valor cuxa distribución desexa obter.
    • acumulado = VERDADEIRO
    + Exemplo

    Se X ∼N(0,1)

    P(X≤2,13)=: =DISTR.NORM.ESTAND.N(2,13;VERDADERO)
    Resultado: 0,983414193

      N(μ, σ)

      Para calcular a probabilidade dunha variable aleatoria Normal de parámetros µ (media) e σ (desv_estándar), denotada por N(µ,σ), dentro da pestaña fórmulas, seleccionamos en funcións estatísticas, o comando:

      DISTR.NORM(x;media;desv_estándar;acum)

      onde:

      • x, é o valor cuxa distribución desexa obter (xi = a).
      • media, é a media aritmética da distribución (parámetro μ).
      • desv_estándar, é a desviación típica da distribución (parámetro σ).
      • acumulado = VERDADEIRO
      + Exemplo

      Se X ∼N(30,4)

      P(X≤35): =DISTR.NORM(35;30;4;VERDADERO)
      Resultado: 0.894350226

      Tipificar

      Se só queremos obter un valor tipificado, dentro da pestaña fórmulas, seleccionamos en funcións estatísticas, o comando:

      NORMALIZACION(x;media;desv_estándar)

      onde:

      • x, é o valor que desexamos tipificar.
      • media, é a media aritmética da distribución (parámetro μ).
      • desv_estándar, é a desviación típica da distribución (parámetro σ).

      Exponencial

      Para calcular a probabiidade dunha variable aleatoria expencial de parámetros, denotada por Exp(λ), dentro da pestaña fórmulas, seleccionamos en funcións estatísticas, o comando:

      DISTR.EXP.N(x,lambda,acum)

      onde:

      • x, é o valor da función.
      • lambda, é o valor do parámetro.
      • acumulado = VERDADEIRO
      + Exemplo

      Se X ∼Exp(0.2)

      P(X>3 anos)=P(X≤3): =1-DISTR.EXP.N(0,2;3;VERDADERO)
      Resultado: 0,548811636