Experimentos simples

• Un experimento simple é aquel que se realiza nunha soa etapa. Dito doutra forma, un experimento simple é aquel experimento aleatorio que non pode descompoñerse noutros experimentos.
  
  
• Cando todos os resultados do experimento teñen a mesma posibilidade de acontecer dinse equiprobables.
  
  
• Para calcular a probabilidade dun suceso nun experimento onde o espacio mostral é finito e todos os resultados son equiprobables, divídese o número de casos favorables ao suceso entre o número de casos posibles:

$$P(A)=\frac{\text{número de casos favorables a }A}{\text{número total de casos posibles}}$$

Onde $P(A)$ é a probabilidade do suceso $A$.

• Esta fórmula denomínase Regra de Laplace.
  
  
• A probabilidade pódese expresar como porcentaxe sen máis que multiplicar a probablidade anterior por 100.

Exemplos

+ Lanzamento dunha moeda

Temos dous resultados posibles: cara $C$ ou cruz $X$. A probabilidade de sacar cara é:

$$P(C)=\frac{1}{2}$$

Como porcentaxe: 

${\displaystyle \frac{1}{2}}\cdot 100=50\mathrm{\%}⟹$ A porcentaxe de sacar cara é do 50%

+ Sacar unha carta dunha baralla

Se queremos sacar un rei dunha baralla de 40 cartas, como hai 4 reis na baralla, entón a probabilidade é:

$$P(\text{Rei})=\frac{4}{40}=\frac{1}{10}$$

Como porcentaxe: 

${\displaystyle \frac{1}{10}}\cdot 100=10\mathrm{\%}⟹$ A porcentaxe de sacar un rei é do 10%