Tarefa
Analiza esta noticia ficticia publicada nun xornal.
Nunha localidade do Xeoparque Montañas do Courel, detectouse un tipo de contaminación moi visible nun estanque, aínda sen coñecer as súas causas. Na fotografía pode observarse o fenómeno. Esta mañá, un experto en ecoloxía, vinculado á universidade, desprazouse ao lugar e declarou aos medios de comunicación que, na súa opinión, a contaminación podería deberse a un vertido dunha substancia rica en fósforo realizado por algún veciño.
Traballade en grupo e comentade ata que punto considerades crible a información publicada no xornal.
Posiblemente chegastes á conclusión de que o ecólogo experto non pode ter evidencias (probas) concretas sobre as causas da contaminación. Por exemplo, non pode coñecer a concentración de compostos con fósforo presentes na auga sen realizar unha análise previa. A súa declaración baséase unicamente na súa opinión ou hipótese inicial. Para confirmar as causas, será necesario analizar a auga e obter evidencias científicas.