Tarefa
- Duración:
- 10 minutos
- Agrupamento: primeiro individual, para rematar en grupo
- Grupos mixtos de 4-5 persoas
Poñédevos en situación:
Estades participando nun proceso de selección para escoller os mellores científicos e científicas de España, que optarán a unha estancia de investigación nun centro punteiro en Física, Química, Bioloxía e Xeoloxía.
Debedes seleccionar tres aspectos, dos indicados a continuación, que consideraríades fundamentais para garantir que os candidatos desempeñen ben o seu traballo.
En primeiro lugar, realizade a selección de forma individual. A continuación, comentádea en parellas e, finalmente, chegade a unha decisión consensuada como clase.
Criterios de selección do persoal investigador:
- Debuxar ben
- Saber matemáticas
- Saber inglés
- Ser preciso/a
- Ser unha persoa metódica
- Falar ben en público
- Saber administrar o diñeiro
- Saber comentar novelas
- Saber analizar datos e, a partir deles, chegar a unha conclusión
- Saber formular unha posible solución a un problema e comprobar posteriormente a súa validez
Non hai unha resposta correcta ou incorrecta. O importante é a vosa argumentación para escoller os criterios, así como o debate entre vós e co/coa docente.
En calquera caso, probablemente coincidiredes en que saber analizar datos e, a partir deles, chegar a unha conclusión é un aspecto que moitos de vós destacaredes como fundamental. Pola contra, comentar novelas pode resultar menos relevante para o desenvolvemento dunha investigación científica, aínda que é unha habilidade importante noutros ámbitos da cultura.