B. Contidos

Traballar en grupo

Ocultar

Imaxe de IA creada por Luis Fernández Lopez empregando ChatGPT -4, versión 2. Trabajando en equipo (CC BY-SA)

4 recomendacións para traballar nun grupo de investigación escolar

Presentamos 4 recomendacións para que traballar nun grupo de investigación no teu IES, CPI ou colexio funcione ben e se asemelle ao xeito correcto de traballar nun grupo de investigación profesional, como no Centro de Bioloxía Molecular Severo Ochoa de Madrid ou no Instituto Oceanográfico de Vigo.

Revisa as recomendacións con calma:

  • Tede claro sempre o obxectivo da investigación.
  • Todos os membros do grupo deben saber cal é o propósito do traballo e que se espera conseguir.
  • Dividide as responsabilidades entre todos e todas.
  • Establecede un plan de traballo organizado, facendo unha lista de tarefas necesarias para o proxecto. Repartide esas tarefas de forma equitativa, lembrando que a responsabilidade de cada persoa pode ir mudando ao longo do proceso.
  • O traballo debe estar equilibrado. Non é xusto que unha persoa cargue co traballo de todos e todas. Cada membro do grupo debe contribuír de forma activa.
  • Pactade regras básicas de colaboración e resolución de conflitos.
  • Definide normas claras para o traballo en equipo e acordade como afrontar calquera conflito que poida xurdir durante o proxecto.
  • Coordinación co docente. O profesor ou a profesora guía a investigación. Non dubidedes en comunicar calquera incidencia e comezade establecendo con eles as normas de traballo que ides seguir, tendo en conta estas pautas.

Seguindo estas recomendacións, poderedes comezar o proxecto de forma organizada, fomentando un ambiente de colaboración que aumentará as posibilidades de éxito.

A traballar, equipo!

Preguntas investigables

Ocultar

Como distinguir preguntas investigables

Pensar en posibles preguntas para investigar pode parecer sinxelo. Outra cousa é que estas preguntas poidan empregarse para desenvolver un proxecto de investigación viable (posible) no instituto ou colexio.

Chamamos preguntas investigables a aquelas que podemos abordar dentro do noso contexto e recursos.

Porén, como podemos distinguir se unha pregunta é investigable?

Imos aplicar unha lista de cotexo sinxela, é dicir, unha ferramenta moi práctica que nos axudará a decidir se unha pregunta é adecuada para un proxecto de investigación.


Criterios para seleccionar preguntas investigables

  1. O resultado á nosa pregunta xa se coñece? É dicir, o mesmo proxecto ou experimento foi realizado moitas veces e está amplamente documentado?
  2. A resposta á pregunta é só SI ou NON? As preguntas demasiado simples non adoitan ser axeitadas para proxectos de investigación.
  3. A resposta é unha simple comprobación ou un dato? Por exemplo: saber a temperatura corporal do alumnado da clase, saber a lonxitude das plantas do xardín, rexistrar as temperaturas mensuais dunha vila.
  4. Hai tempo suficiente durante o curso para realizar a investigación? O proxecto debe poder completarse no tempo dispoñible e co ritmo marcado polo docente ou a docente.
  5. Hai materiais e recursos dispoñibles para responder á pregunta? O acceso a ferramentas, espazos ou equipos necesarios é fundamental para a viabilidade do proxecto.
  6. O proxecto implica relacionar variables? Por exemplo: a influencia da Lúa no crecemento das plantas, a relación entre a presenza de ruído e a concentración ao estudar.


Como avaliar as respostas
Se as respostas aos criterios 1, 2 e 3 son NON e aos criterios 4, 5 e 6 son SI, a pregunta é investigable e o proxecto viable.
Se non se cumpre esta condición, debemos reformular a pregunta ou buscar unha nova opción.

Actividade despregable

Ocultar

Le e completa

Traballo en grupo e preguntas para investigar

Formular preguntas é clave para desenvolver proxectos posibles no noso traballo. As preguntas son aquelas que podemos explorar no noso contexto, dispoñendo de tempo e necesarios. Para identificalas, podemos empregar unha rúbrica sinxela que avalíe se a resposta á pregunta é só SI ou NON, unha simple ou algo xa amplamente coñecido, o que as faría non aptas. Ademais, unha pregunta debe implicar relacións entre , como o impacto do ruído na concentración, e contar co tempo e materiais necesarios para realizar a investigación.

Traballar en é esencial para lograr un proxecto organizado. É importante que todos os membros do grupo comprendan o do traballo, participen de maneira activa e se establezan claras de colaboración. A distribución das tarefas e a resolución pacífica de axudan a crear un ambiente produtivo. Coordinármonos co tamén é fundamental para resolver dúbidas e seguir un plan estruturado.

Seguindo estas pautas, podedes garantir proxectos ben definidos, enriquecedores e exitosos, tanto no traballo individual como en equipo.

Activar JavaScript