Tarefa

Traballade en grupo de investigación

Lembrades os tipos de falacias que vimos nos contidos C?

A tarefa consiste en, que logo de revisar os tipos de falacias, indiquedes a que tipo corresponde cada unha delas.

FALACIAS

"Se a Terra fose redonda, as persoas caerían dela. Como non caemos, entón debe ser plana."
"Un famoso influencer de Barcelona di que as vacinas son perigosas, así que non debemos vacinarnos."
"O meu tío Manolo fumou toda a vida e nunca tivo cancro, polo tanto, fumar non é tan malo para a saúde."
"Ou aceptamos esta teoría científica exactamente como está, ou todo o que sabemos sobre o tema é falso."
"O cambio climático non existe porque o inverno deste ano foi especialmente frío."

Tarefa

1. Individualmente, decide de que tipo de falacia se trata cada unha delas.

2. Xuntádevos no grupo de investigación, e chegade a unha decisión común ao respecto.

3. Cando teñades unha resposta, revisade a retroalimentación.

A ver si estamos de acordo

"Se a Terra fose redonda, as persoas caerían dela..." → Falacia da falsa causa (post hoc): Dedúcese unha conclusión errónea sen entender a ciencia (gravidade).
"Un famoso influencer di que as vacinas son perigosas..." → Falacia da apelación á autoridade: Crese unha afirmación sen probas porque vén dunha persoa famosa, non experta.
"O meu tío fumou toda a vida e nunca tivo cancro..." → Falacia da xeneralización apresurada e excesiva: Usa un caso illado para xeneralizar sobre unha poboación.
"Ou aceptamos esta teoría científica exactamente como está..." → Falacia da falsa dicotomía: Presenta só dúas opcións cando poden existir outras explicacións ou posibilidades.
"O cambio climático non existe porque o inverno foi frío..." → Falacia da evidencia incompleta: Usa unha observación limitada (un inverno frío) para negar unha tendencia global a longo prazo.