Entrevista para o xornal

Viaxamos no tempo

Imaxina que traballas como xornalista e tes a posibilidade de viaxar no tempo. Escolle un científico ou científica da lista e realízaselle unha entrevista, empregando as preguntas propostas e engadindo outras, se queres. Obviamente, deberás buscar as respostas na biblioteca ou en Internet.

Lista de científicos e científicas:
Gregor Mendel, Isaac Newton, Nicolás Copérnico, Santiago Ramón y Cajal, Marie Curie, Alexander Fleming, Louis Pasteur.

Proposta de preguntas:

Onde e cando naceu?
Onde e que estudou?
Quen gobernaba e como era a sociedade cando vostede tiña 15 anos?
Cal foi a súa principal achega á Ciencia?
Como influíu o seu traballo na miña vida no segundo milenio?
Como foi recibido o seu traballo na súa época?
Tiña vostede compañeiras científicas mulleres?

Na retroalimentación deixo algunhas recomendacións para redactar unha entrevista.

Algúns consellos para redactar unha entrevista

Escolle un título: o título debe reflectir de que trata a entrevista (algo que resuma a importancia do científico ou científica) . Por exemplo: "Falamos con Isaac Newton: o xenio da gravidade".
Introduce o tema e a persoa entrevistada: comeza cun breve parágrafo de presentación no que expliques quen é a persoa entrevistada, por que é importante e o tema principal da entrevista. Exemplo:

Isaac Newton, un dos científicos máis importantes da historia, cambiou a nosa forma de entender o mundo coa súa Lei da Gravitación Universal. Neste encontro imaxinario, descubrimos máis sobre a súa vida e traballo.
Organiza as preguntas e respostas: escribe a entrevista como un diálogo.
- O nome do entrevistador e da persoa entrevistada deben estar destacados para que se diferencien.
- Usa preguntas claras e directas, alternando con respostas completas e informativas.
Exemplo:
Entrevistador: Onde e cando naceu?
Newton: Nacín en Woolsthorpe, Inglaterra, o 4 de xaneiro de 1643.
Fai preguntas abertas: as preguntas abertas, que non se poden responder só con "si" ou "non", axudan a obter respostas máis interesantes. Exemplo:
- Non: ¿Inventou vostede algo?
- Si: Cal foi a súa achega máis importante para a ciencia?
Usa un ton formal pero próximo:
- Sé educado e respectuoso na redacción.
- Evita expresións moi informais, pero mantén un ton sinxelo e fácil de entender.
Engade detalles históricos ou científicos relevantes: en cada resposta, podes incorporar información que axude a completar o contexto ou a dar máis datos interesantes.
Conclúe cunha reflexión ou resumo: remata a entrevista cun comentario ou conclusión que resuma o máis importante que aprendiches ou a impresión que che deixou o personaxe. Exemplo:

O traballo de Newton sentou as bases da física moderna e continúa inspirando a moitas persoas séculos despois.
Ponlle unha imaxe