En case todas as unidades do camiño cara á investigación, utilizarás Internet. É importante saber buscar, porque na rede hai de todo. Aquí tes catro recomendacións sinxelas para que chegues a fontes fiables e te informes correctamente:

1. Verifica a fonte: prioriza sitios oficiais, académicos ou de renome, como páxinas gobernamentais, universidades ou medios de comunicación recoñecidos. Desconfía de páxinas descoñecidas ou de orixe dubidosa.
2. Comproba a data de publicación: asegúrate de que a información é recente ou segue sendo relevante. Para temas en constante evolución, como ciencia ou tecnoloxía, busca os artigos máis actualizados. 
3. Contrasta en varias fontes: consulta o mesmo tema en diferentes sitios para comprobar se a información é coherente e está avalada Isto axúdache a evitar o sesgo dunha soa fonte e mellora a precisión dos datos. 
4. Busca o autor ou a institución: investiga se o autor ou a organización teñen credibilidade e experiencia no tema. Isto permitirá identificar se a información provén dun experto ou dunha persoa con coñecementos limitados.

Lembra: non te quedes co primeiro que encontres. Dedica tempo a buscar e seleccionar información de calidade.

Un exemplo astronómico

En 2023 produciuse un importante debate político no ámbito educativo en México debido a erros significativos nos libros de texto utilizados polo alumnado de primaria. Un dos erros máis criticados foi a representación incorrecta do Sistema Solar. A imaxe que xerou gran polémica foi a seguinte:

Na sección de retroalimentación tes algúns dos erros detectados no modelo de Sistema Solar representado. Antes de revisalos, trata de identificalos por ti mesmo/a.

Podes comprobar, con esta actividade,  que non todo o que aparece nun libro ou nunha revista ou en Internet ten por que ser válido.