O Xuramento Hipocrático é un dos textos máis emblemáticos relacionados coa ética da práctica médica. A versión que se presenta aquí mantense cercana ó espírito do orixinal, que foi modernizado e adaptado ao longo dos séculos:
"Xuro por Apolo médico, por Asclepio, por Hixía e Panacea, e tomo por testemuñas a todos os deuses e a todas as deusas, para gardar conforme á miña capacidade e o meu xuízo, este xuramento e compromiso:Tratarei ao que me ensinou esta arte tan respetuosamente como aos meus pais; farei vida común con el, e se ten necesidade de diñeiro, compartireille o meu, e considerarei aos seus descendentes como aos meus irmáns homes, e ensinareilles esta arte, se queren aprendelo, sen remuneración nin compromiso algún.Farei partícipe de preceptos, ensinos e todo o resto da instrución aos meus fillos, aos do meu mestre, aos discípulos que estean inscritos conforme ás normativas médicas, e a ninguén máis.Aplicarei as medidas dietéticas polo ben dos enfermos segundo a miña capacidade e o meu xuízo; abstereime de causar dano ou prexuízo a alguén.Non darei a ninguén medicamento mortal, aínda que me sexa solicitado, nin tomarei iniciativa algunha con este fin; do mesmo xeito, non administrarei a muller algunha un pesario abortivo.Conservarei a miña vida e a miña arte en pureza.Non practicarei a talla, nin sequera nos enfermos nos que se manifeste o mal de pedra, senón que deixarei esa operación aos que a practiquen.En todas as casas onde entre, fareino para ben dos enfermos, manténdome afastado de toda inxustiza voluntaria e de toda corrupción, especialmente das relacións sexuais con mulleres ou homes libres ou escravos.Todo o que no tratamento dos enfermos ou fóra del, vexa ou oia na vida dos homes, que non deba ser divulgado, calareino, considerando tales cousas como secretas.Se cumpro este xuramento con fidelidade, que me sexa dado gozar da miña vida e da miña arte, honrado por todos os homes para sempre; se o quebranto e son perxuro, que ocorra o contrario."