UDI_2_SOCIAL_actividades
Actividad
Visita esta páxina web da Comisión Europea (en español) e indaga sobre as condicións profesionais e de vida en alomenos 5 países europeos.
Fai un breve resumo de cada un deles:
(Estes contidos están baixo unha licenza © Unión Europea, 1995-2017. Autorízase a reprodución do contido citando a fonte).
Actividad
EUROPASS é un expediente persoal e composto por cinco documentos, que os cidadáns poden utilizar con carácter voluntario para comunicar e presentar de maneira clara e sinxela as aptitudes, as titulacións e certificacións adquiridas ao longo da vida en toda Europa (Unión Europea, Área Económica de Libre Comercio, Espazo Económico Europeo e os Países Candidatos), sempre que se desexe buscar traballo ou solicitar a admisión nalgún programa educativo ou formativo.
Imos elaborar un exemplo figurado do noso curriculum vitae coa axuda do formulario que nos propón esta entidade na súa ligazón, e que descargaremos previamente: http://sepie.es/iniciativas/europass/cv.html
Actividad de Lectura
A Europa adóitana ver como unha atrasada dixital, moi por detrás da vangarda representada por Estados Unidos e Asia. Pero as aparencias enganan. En realidade, segundo un novo informe de Atomico, unha empresa londiniense de capitais de risco, as startups europeas están a tomar a dianteira en intelixencia artificial, creando novos centros tecnolóxicos e atraendo investimentos dos paladíns tradicionais da industria. O ano pasado, o sector tecnolóxico europeo obtivo a cifra récord de 13600 millóns de dólares en investimentos, contra 2800 millóns en 2011.
Quedaron atrás os días en que o sector “tecno” europeo estaba formado no seu maior parte por empresas de comercio electrónico orientadas aos consumidores (a miúdo, copias flagrantes de compañías estadounidenses exitosas). Hoxe, Europa é un centro de auténtica innovación pioneira, impulsada polo que Atomico denomina “tecnoloxía profunda”: o tipo de intelixencia artificial desenvolvida por DeepMind (de Google). En 2015, a tecnoloxía profunda solicitou en Europa investimentos de risco por 1300 millóns de dólares en 82 roldas (contra os 289 millóns en 55 roldas de 2011).
As industrias tradicionais europeas están a espertar á tecnoloxía. Dous terzos das corporacións europeas máis grandes por capitalización de mercado fixeron un investimento directo nunha firma tecnolóxica. Un terzo desas empresas compraron unha compañía tecnolóxica desde o inicio de 2015.
Tamén as empresas estranxeiras acoden a aproveitar o talento tecnolóxico europeo. Google, Facebook e Amazon anunciaron importantes ampliacións dos seus centros tecnolóxicos en Europa.
Claro que o sector tecnolóxico europeo aínda ten as súas debilidades, das que dá mostra a incapacidade ata agora de producir un xigante que rivalice cos mastodontes de Silicon Valley. Aínda que para os tecnoemprendedores europeos conseguir fondos para iniciar unha empresa é tan fácil como para os estadounidenses, estes obteñen catorce veces máis capital nas etapas posteriores. Este faltante de financiamento desaparecería se os fondos de pensións europeos asignasen a investimentos de risco apenas un 0,6% máis do capital que xestionan.
A pesar destes riscos, a tendencia xeral no sector tecnolóxico europeo é positiva. Un novo apetito de risco parece percorrer o continente; Atomico informa que máis do 85% dos fundadores din que é “culturalmente aceptable” comezar unha empresa propia. Engádase un profundo talento para a investigación (cinco das dez facultades de ciencias da computación máis importantes do mundo están na UE), e verase que o auxe das startups europeas parece sustentable.
Tras a lectura, elabora un texto argumentativo, utilizando as pautas vistas no ámbito lingüístico deste ODE, no que te posiciones respecto ás afirmacións do articulista.
En parellas, elaborade un pequeno glosario cos termos do argot técnico que atopáchedes no texto. Ao final buscaremos entre todos o seu significado en diversas fontes de información, virtuais ou en papel.
Consulta a información que facilita a consellería de educación galega sobre a FP da familia de Informática e Comunicacións:
http://www.edu.xunta.es/fp/webfm_send/7225
Consulta tamén a que aparece na páxina web do MECD e contrasta as diferencias e similitudes entre os estudos:
http://todofp.es/que-como-y-donde-estudiar/que-estudiar/familia/loe/informatica-comunicaciones.html