Prácticas

Finalidade da procura inicial

Indica se é verdadeira ou falsa a seguinte afirmación:

Pregunta 1

A función desta fase de procura inicial non é contestar a ningunha das nosas preguntas de investigación, non se trata de achegar aínda datos sobre o tema; o que pretendemos é saber onde se atopan os datos e as informacións que poden axudarnos a responder a esas preguntas.

Sugerencia

O proceso de procura de datos forma como unha espiral, primeiro achegámonos os conceptos xerais que enmarcan o conxunto da investigación, para ir de cada vez máis polo miudo ata chegar a datos referidos a aspectos concretos e particulares da investigación.

Verdadero Falso

Retroalimentación

Verdadero

O contido do parágrafo é verdadeiro. Neste paso metodolóxico o que facemos é distinguir as diferentes fontes de información máis importantes que están ao noso alcance. Logo de ter xa unha dirección concreta de investigación é cando nos mergullamos na procura dos datos máis específicos.

estratexias de procura

Indica se estás ou non de acordo coas seguintes afirmacións e por que.

Pregunta 1

Unha forma adecuada de empezar a procura de información é preguntarlle a un buscador da internet tipo Google

Sugerencia

Que hai das estratexias de procura?

Verdadero Falso

Retroalimentación

Falso

Por suposto que se pode empezar a buscar na Rede, pero non construír previamente unha estratexia de procura levaríache seguramente a un comezo caótico e ao final volveríase máis dificultosa a tarefa. Proba a seguir a estratexia de procura que suxerimos aquí: do xeral ao particular, e construíndo un bo vocabulario de procura.

Pregunta 2

Nunha investigación, a fonte máis importante de información e Internet

Sugerencia

Fíxate nos múltiples tipos de investigacións que se poden realizar, dende experimentos cos ratos, análise de textos conservados en mosteiros, etc.

Verdadero Falso

Retroalimentación

Falso

Falso. Aínda que Internet converteuse realmente nunha fonte de primeira orde e case indispensable, non sempre é a principal nin a máis importante. Na internet non está todo

Pregunta 3

Unha forma moi produtiva de afrontar a procura de información é comprobar se podemos acceder a persoas expertas que poidan guiarnos na nosa procura, ofrecéndonos pistas, por exemplo, sobre libros que conteñen información importante sobre o noso tema.

Sugerencia

Imaxina persoas que coñeces que podan axudarte no teu traballo.

Verdadero Falso

Retroalimentación

Verdadero

Completamente verdadeiro, se conseguimos a axuda dun experto, dariamos un paso de xigante na nosa investigación, aforrándonos tempo e ofrecéndonos a seguridade de que evitaremos seguir camiños improductivos, que ofrecen información nula ou pouco importante.

Pregunta 4

A biblioteca de centro pode axudarme a atopar información no caso de que posúa o material que me interesa. Para evitar molestias, é bo botar unha primeira ollada polos estantes que me interesan, para ver se posúen algo sobre o meu tema.

Sugerencia

Os libros que temos á vista poden non representar o catálogo completo.

Verdadero Falso

Retroalimentación

Falso

Actuar así indica unha pobre estratexia e un descoñecemento da verdadeira capacidade das bibliotecas para axudar ao investigador. Nunca se debe deixar de consultar o catálogo da propia biblioteca, que pode ter materiais que non están expostos nos seus anaqueis, e tamén os catálogos doutras bibliotecas asociadas que poden enviarlle o material en breve tempo. Non estaría de máis tampouco que consultases ao bibliotecario, que che servirá de gran axuda para entender o funcionamento das bibliotecas.

Pregunta 5

As enciclopedias, tanto as dixitais como as impresas, non poden utilizarse nun traballo de investigación serio, pois os datos que conteñen son tan xerais que non achegan nada interesante.

Sugerencia

Fíxate que un traballo de investigación ten moitas fases, e os datos novedosos ou descubrimentos as veces atópanse buscando polo camiño axeitado

Verdadero Falso

Retroalimentación

Falso

Tal afirmación é inexacta. As enciclopedias son unha poderosa ferramenta para a investigación, sobre todo nas súas primeiras fases, cando necesitamos coñecer precisamente os datos xerais que enmarcan o noso tema. Con iso evitamos perdernos ou sobrecargarnos con información que non ten que ver ou non é realmente importante.

E mesmo pode ser útil noutras partes da investigación; por exemplo, cando os datos que obtemos apuntan a outros temas, descoñecidos para nós, e necesitamos tamén ter información xenérica sobre eles.

Actividade cooperativa

Formando grupo con tres ou catro compañeiros, elixide un tema de investigación (preguntade ao voso profesor ou profesora se non se vos ocorre ningún. Cada un de vós consultará varias enciclopedias para construír un vocabulario xeral sobre o tema.

Comparade os resultados.

Coinciden os termos que usastes todos?
Saberiades explicar o por que?

Intentade construír coa suma do vocabulario de procura de todos os membros un mapa conceptual ordenado.

Podería servir este mapa como guía para a investigación?

Obra publicada con Licencia Creative Commons Reconocimiento Compartir igual 4.0