A literatura polo camiño dos cantares
A literatura polo camiño dos cantares
Os versos, como as follas que caen das árbores, viaxan a cabalo do vento espallando sentimentos vestidos de palabras.
Antonio García Teijeiro, Cando caen as follas, 2006. |
Para saberes máis sobre Antonio García Teijeiro
Que imos facer?
Neste ODE (Obxecto Dixital Educativo) traballaremos tres elementos fundamentais da literatura:
-
- A poesía, os recursos estilísticos e os cantares populares
- A narrativa (sobre todo o conto oral) e o cómic.
- As representacións teatrais.
Ao longo do seu desenvolvemento:
- Lerás poemas e adquirirás as habilidades precisas para gozar deles (mesmo compoñerás algúns).
- Escoitarás cantares e poemas musicados (mesmo cantarás algúns).
- Coñecerás técnicas narrativas básicas (mesmo escribirás algún conto ou cómic).
- Representarás na aula textos dramáticos.
Ademais, aprenderás a traballar en equipo, en concreto:
- Desenvolverás actitudes de diálogo e reflexión mediante o traballo en grupo.
- Aprenderás a importancia de cumprir os compromisos acordados.
- Valorarás criticamente o teu traballo e o dos teus compañeiros e compañeiras.
- Exporás as túas ideas respectando as opinións dos demais.
Empregarás o teu equipo e conexión a Internet, polo que deberás:
- Empregar o procesador de texto.
- Manexar a web como fonte de consulta e para enviar as actividades por correo electrónico ao teu profesor ou profesora.
- Empregarás programas útiles para o teu traballo.
E, ademais, xunto cos teus compañeiros e compañeiras, daraslle vida á cultura na aula.
Anímaste?