A literatura polo camiño dos cantares
1.7- Exercicios de repaso e reforzo
Cal é o tema deste cantar?
O tema. "Brazos pra seitura"
A medida dos versos
Cantade, nenas, cantade,
que o voso cantar me alegra:
canta o Crego, canta a ama,
canta o paxaro na eira.
Efectúa mentalmente as sinalefas precisas nestes versos para que poidan ter oito sílabas. Despois comproba a pronuncia correcta.
A rima
Observando ben a rima abcb, ordena os versos desordenados deste cantar para que teñan sentido:
abrindo as portas do amor/ aquí vén o maio/ cargadiño de esperanzas/ das frores dono e señor
Non premas en "mostrar retroacción" até que teñas o cantar formado na túa cabeza.
A estrofa
Costureiriña bonita,
onde tes os teus vestidos?
-Téñoos na hucha gardados, ai si, ai non,
para poñer os domingos.
Estrofa
Identifica o tipo de estrofa do seguinte poema:
Dou o queixume derradeiro o inxente
bardo de outras edás, forte e varudo
cantor dun pobo lexendario e rudo
asoballado de estranxeira xente.
Dos guerreiros de Suevia posto ó frente,
ós pes a lanza i o batido escudo,
agárdao Breogán, doído e mudo,
entre os pinos da costa verdecente.
Mentras...da patria ó castro solitario
vai do vento costeiro no bruído
como un puñal, este firente berro:
¡Morreu Pondal, o vello lexionario!
¡Caieu en terra o pino máis brandido!
¡Crebouse a lira celta de ouro e ferro!
Ramón Cabanillas, Da terra asoballada, 25 de xullo de 1917, Imprenta do xornal Galicia Nueva. Vilagarcía de Arousa.1917.
Completa:
Quixera ser escribenta*
pra che escribir, meu amado,
voar coa carta no bico,
poder estar ó teu lado.
*O escribente é un paxariño que pon ovos que semellan estar escritos ou pintados.