A literatura polo camiño dos cantares
Exercicios
1
Identifica os recursos estilísticos dos seguintes versos:
2
O poeta Luis Amado Carballo ("Abrente", Proel, 1924) describe neste poema a chegada do temporal. Observa como consegue evocar os sons da treboada coa selección de fonemas que leva a cabo (-rr-, cr-, tr, t...). Lédeo en voz alta procurando reproducir os sons que vos imaxinades.
CANZÓN DO TEMPORAL
Os berros dos mazaricos
rachan as sedas do mar
no carro das mouras nubens
ven do sur o temporal.
Nas barras e nos peiraos
rompen as foulas cristadas
de lostregos azuados
das estrelas afogadas.
Púxose o ceo de loito
polos que van afogar.
As centellas como trallas
baten no lombo do mar.
Vocabulario:
Mazarico: O mazarico galego ou mazarico chiador (Numenius phaeopus) é unha ave limícola.
Barra: Banco ou baixo de area na desembocadura dun río, que fai perigosa a navegación.
Foula: Escuma do mar que lanza a proa do barco ao navegar ou que se levanta ao bater as ondas contra a costa ou cando fai moito vento.
Cristada: Que ten crista (parte saínte dalgunhas cousas).
Azuado: seguramente por "azulado".
Tralla: Cabo co que se reforzan os bordos das velas.