A literatura polo camiño dos cantares
1.3- Como se miden os versos?
Os versos
Segundo o número de sílabas de cada verso, diferenciamos entre:
Versos de arte maior: máis de oito sílabas (eneasílabo, decasílabo, hendecasílabo, dodecasílabo...).
Versos de arte menor: menos de oito ou oito (pentasílabo, hexasílabo, heptasílabo, octosílabo).
Cómpre ter en conta que, á hora de compoñeren os seus poemas, os poetas botan man de recursos coma:
Sinalefa: unión da última sílaba dunha palabra que acaba en vogal coa primeira da palabra seguinte que empeza tamén por vogal.
Sinérese: facer dun hiato un ditongo.
Diérese: converter un ditongo en hiato.
Segundo o número de sílabas, os versos poden ser:
Monosílabo – 1 sílaba. Bisílabos – 2 sílabas. Trisílabos – 3 sílabas. Tetrasílabos – 4 sílabas.
Pentasílabos – 5 sílabas ou chamado de redondilla menor. Hexasílabos – 6 sílabas.
Heptasílabos – 7 sílabas ou chamado de redondilla maior.
Octosílabos – 8 sílabas. Decasílabos – 10 sílabas. Hendecasílabos – 11 sílabas.
Dodecasílabos – 12 sílabas ou chamado de alexandrino. Verso bárbaro – versos con máis de 12 sílabas.
Arte menor/maior
|
Exemplo de cantar de arte menor Eu cantar cantaba ben pero gracia tiña pouca quedoume no lavadoiro onde eu lavaba a roupa. |
Exemplo de cantar de arte maior Se vas ao Ribeiro, ao Ribeiro de Avia, se vas ao Ribeiro, vai por Ribadavia, vai por Ribadavia, vai por Ventosela, que teño unha nena, que dá xenio vela. |
1- Responde
O paxaro cando chove
mete o rabo na Silveira,
pasa paxariño pasa,
que che é hora de ir á feira.
2
Solución
3
Cantas sílabas teñen os versos do seguinte cantar?
4- Actividade de escoita
Neste enlace podes escoitar a fermosa Cantiga da Montaña de Xabier Díaz & Adufeiras de Salitre.
Mentres a escoites vai contando o número de sílabas de cada verso. Observa como para que todos midan oito é preciso ir facendo sinalefas e diéreses.
Ó pasar pola túa porta
levo presa e vou correndo
porque non digan teus pais
que de amores te pretendo.
Dende aquí te estou mirando
cara cara, frente a frente
e non che podo dicir*
o que o meu corazón sente.
Neste lugarín pequeno
amores hei de encontrar*
ou no pico ou no fondo
ou no medio do lugar*.
Polo sol mándoche cartas
pola lúa saudades
polas estrelas do ceo
memorias que te regales.
5- Home mariño
Mide o número de sílabas que teñen os seguintes versos deste poema titulado "Home mariño", que pertence ao libro Mar de Lira (2005), do poeta Francisco Xosé Fernández Naval.