Pardas

  Con outro pigmento maioritario, inclúen algunhas das algas máis rechamantes do noso litoral.

  Entre as algas pardas das nosas costas destacan:

• Laminaria. A alga que envolve o polbo na imaxe. Forma bosques con exemplares de varios metros de alto.

• Fucus. Moi frecuente e recoñecible. O exemplar da esquerda, da especie Fucus vesiculosus, mostra unha especialización peculiar destas algas. Trátase de vesículas de ar que lle permiten flotar e, desa forma, alcanzar a luz solar. 

  

  Wbartoszy. Fucus vesiculosus Dominio público

  (Por se alguén quere saber máis das súas algas)

  As algas poden reproducirse sexual e asexualmente. Na imaxe da dereita podes ver como cos temporais do inverno as laminarias rompen,  rematando como argazo nas praias. Pero a alga non morre senón que volve a crecer a partir dun anaco que quedou firmemente agarrado á rocha. É unha forma de reprodución asexual.

  As algas empregáronse en Galicia como abono dende tempo inmemorial, era o argazo que se apañaba na costa para despois distribuílo sobre a terra de cultivo. A este uso sumouse recentemente unha florecente industria de recolección e transformación de algas para consumo humano e para a elaboración de moitos tipos distintos de produtos.

      Entre as algas máis frecuentes nas costas galegas hai unha especie invasora, Sargassum muticum.