Mamíferos
.JPG "Leóns mariños")
O noso grupo zoolóxico propón outra opción para o desenvolvemento das crías, facelas medrar no interior da femia.
Xa non precisamos auga, nin darlles temperatura, nin protexelos ou deixalos sós cando temos que saír a buscar comida.
Investigamos
En realidade nós só convivimos cun tipo de mamíferos, os placentarios, cun desenvolvemento que se corresponde exactamente co comentado arriba, pero hai outros dous grupos de mamíferos:
- Cales son? Atopa un exemplo de cada un deles.
- Onde viven?
- Por que non existen en Galicia ningún deses mamíferos?
Os mamíferos temos unha dentadura moi peculiar dentro do reino animal xa que temos dentes especializados en distintas funcións: caninos para desgarrar, molares para triturar...
Mergullamos na historia
Un grupo especial da nosa clase son os mamíferos mariños como os golfiños, focas ou baleas. Adaptados á vida no mar inclúen os maiores animais sobre a terra, a pregunta é por canto tempo? Contestade ás seguintes cuestións sobre a caza de baleas mentres vemos o documental “Galicia no lombo da balea”
- Resume brevemente o vídeo.
- Vai anotando os nomes vulgares e científicos das especies de balea que saen no documental.
- Dende cando está documentada a caza de baleas en Galicia?
- Onde estaban as dúas principais factorías hispano-norueguesas?
- Como distinguían baleas e cachalotes mirando o soplo ou chorro?
- Que medidas impuxo a Comisión Baleeira Internacional á industria baleeira española?
- Cando se deixou de cazar baleas en Galicia? E no mundo?
- Analiza a situación actual das baleas no mundo e comenta cos teus compañeiros sobre a necesidade da caza da balea.
Reflexionamos
O certo é que a relación do home cos outros mamíferos ten tendencia a ser problemática: envelenamos aos raposos, odiamos e tememos ou lobo, incluso o oso pardo ibérico desapareceu de Galicia.
A que cres que se debe esta situación?
Discúteo cos teus compañeiros. (podedes ver o documental “Os cazadores inocentes” da serie El Hombre y la Tierra para poñervos en situación.)