Anfibios
Tamén poiquilotermos, os anfibios viven a cabalo entre a auga e a terra.
As larvas, como os cabezóns que seguro que coñeces, viven na auga mentres que os adultos poden pasar períodos fóra da auga respirando fundamentalmente pola pel. Este mecanismo de respiración obrígaos a ter sempre a pel húmida polo que nunca se separan demasiado da auga.
Todos os anfibios teñen catro patas sendo a presenza ou ausencia de cola a que nos permite diferenciar as ras que son anuros, das
píntegas que son urodelos.
Algúns anfibios están en serio perigo de desaparición como consecuencia da perda dos seus hábitats. Por exemplo, a rehabilitación de lavadoiros e fontes con cemento está poñendo contra as cordas a supervivencia dos pintafontes.
Profundamos
No seguinte vídeo (enlace) podes ver como se produce a metamorfose dun anfibio, concretamente do sapo corredor.
- Debuxa as distintas etapas que observas e indica as diferenzas entre elas.
- Discute cos teus compañeiros os resultados de cada un deles.
NON COLLAS ANIMAIS. DÉIXAOS VIVIR NO SEU AMBIENTE.