Definición:
Consiste en facer un argumento para convencer a outra persoa sobre o teu punto de vista ou sobre un produto.
Exemplo:
Recoméndoche ver o noso titorial, ten unhas explicacións tan claras e sinxelas que che farán mellorar notablemente no teu traballo académico. Se o mercas, avanzarás rapidamente nos teus estudos.
Imos mergullarnos nunha fascinante viaxe a través da historia da radio.
A radio desempeñou un papel fundamental no século pasado e no presente. Non só é un medio de comunicación senón tamén de entretemento. A pesar da evolución das plataformas dixitais e das redes sociais, a radio soubo adaptarse ben e manter a súa importancia na sociedade actual. Emítense diariamente gran variedade de programas que abarcan desde informativos e debates ata música e programas de entretemento. Ademais posúe a capacidade de chegar a audiencias de todo tipo e de forma inmediata que fan da radio un medio escoitado e valorado pola audiencia.
A radio experimentou unha notable evolución ao longo da historia, desde os seus inicios puramente analóxicos ata a era dixital actual. Debemos a existencia da radio a dous inventores e enxeñeiros, Marconi e Tesla, que moito fixeron pola comunicación sen fíos.
Retrato de Guillermo Marconi
Retrato de Nikola Tesla
A disputa entre Marconi e Tesla pola invención da radio é un tema apaixonante que xerou debate durante moitos anos. Ambos contribuíron ao seu desenvolvemento. Pero, quen debe levar o mérito completo?
A radio foi moi importante.
A súa función principal é entreter e informar á xente.
A radio cambiou moito co tempo.
Pasou de ser analóxica a ser dixital.
Hoxe en día, ofrece moitos tipos de programas.
Todo isto foi posible grazas a dous inventores: Marconi e Tesla.
Cos seus coñecementos, puideron crear este medio.
Así, fixeron posible que a palabra chegase a moitos lugares.
Propoñémosche que busques por ti mesmo as achegas que fixo cada un dos inventores á radio. Para iso podes empregar a biblioteca do centro ou facer a busca por Internet.
Recorda que tes que ser respectuoso coas diferencias que atopes e recoñecer e valorar as achegas que os dous fixeron neste campo.
Emprega a seguinte táboa para facer os teus apuntamentos. Tamén debes ler as recomendacións para facer unha busca efectiva en Internet.
Abre o teu navegador favorito, por exemplo: Google, Chrome, Mozilla Firefox ou Safari.
Na barra de busca, escribe palabras clave como "Inventores da radio" ou "Historia da radio". Unha palabra clave describe exactamente o que está buscando.
Tamén podes utilizar palabras clave adicionais para refinar a túa busca, como nomes específicos de inventores: Marconi ou Tesla.
Le detidamente o que atopas e selecciona a información que che fai falta para o traballo.
Intenta buscar a procedencia da información. Para un traballo académico o ideal sería que o sitio web fora dalgunha institución educativa, algún museo ou artigo dun docente. Tanto na cabeceira coma no final da web deben aparecer a procedencia.
Por último, apunta o nome e o URL da páxina web educativa onde sacaches a información. É importante citar correctamente as túas fontes para un traballo académico.
Para facer unha busca o primeiro debes abrir un motor de busca en Internet.
Escribir as palabras clave na barra do buscador. Ler a información que se atopa e escoller a información útil.
Por último verifica que a fonte sexa orixinal e fiable e non esquezas citar a páxina web educativa onde sacaches a información.
Seguidamente atoparás unha táboa que podes usar para facer as túas anotacións sobre as achegas destes dous inventores.
Descargar: ODT
Agora que xa coñecemos mellor aos inventores da radio, imos levar o aprendido á practica!
Benvidos e benvidas ao debate sobre a radio!
Con esta segunda actividade terás a oportunidade de defender a posición de Marconi ou Tesla na túa clase.
Dividiremos a clase en dous grupos no que un defenderá a posición de Marconi e outro defenderá a posición de Tesla.
Imos incluír o rol de persoa presentadora, que será a responsable de moderar o debate e asegurarse de quen expoña manteña un ton axeitado durante as súas intervencións. Tamén que controlará que non se excedan no tempo nin fagan intervencións agresivas.
Unha vez repartidos os roles, poñédevos fronte a clase co moderador no medio e comentade as vosas posturas. Non esquezades intervir con respecto e educación. Consiste en aprender a expoñer, non consiste en gañar!
Recorda empregar a táboa na que apuntaches anteriormente como apoio e le con atención as indicacións para facer unha boa exposición e as cualidades que debe poñer en práctica un bo moderador ou moderadora de debates.
Para ser un bo moderador ou moderadora de debates e conversas é preciso traballar e controlar as seguintes cualidades:
O moderador ou moderadora a debe tratar a todos e a todas por igual. Debe ser imparcial.
É importante prestar atención ao que din as persoas que participan no debate e permitir que todos e todas falen, máis ou menos, o mesmo tempo.
Debe asegurarse de que todas as persoas respecten as regras e que cada unha fale na súa quenda. Invitar a que non se interrompan. E facer sentir cómodas as persoas que interveñen.
Un bo moderador ou moderadora ten que ser xusto e tratar a todos por igual, é dicir, debe ser imparcial.
Ademais debe saber escoitar e intentar manter a orde durante o debate.
Podes consultar a escala de avaliación da actividade. Puntúase cada criterio do 1 ao 5, sendo 1 pouco conseguido e 5 moi conseguido.
Podes descargala en ODT premendo aquí.
Seguidamente poderás traballar nas dúas opcións, unha sinxela e outra algo máis complicada. Adiante!
Atopa as palabras ocultas.
Por favor, ordena os pasos a seguir sobre a consecución dun debate.
Youtubers, si si, imos falar dos youtubers. Seguramente tes oído mencionar esta palabra moitas veces, non si?
Os youtubers son persoas que soben contido a Internet e comunícanse directamente co seu público mediante as súas plataformas e os seus vídeos publicados nas redes sociais de forma inmediata. Conseguen conectar facilmente coa audiencia e poden influír nas opinións e comportamento de millóns de persoas en todo o mundo. Guau, isto parece incrible!
A capacidade comunicativa é unha ferramenta poderosa, que pode ser usada tanto para entreter como para educar e influír nas opinións e comportamentos das persoas. É importante que os youtubers utilicen a súa influencia de forma responsable e ética, tendo en conta o impacto que poden ter nas súas audiencias, especialmente nos máis novos. É importante manter unha visión crítica e crítica sobre o contido que consumimos e as mensaxes que recibimos.
Os youtubers desempeñan un papel significativo na sociedade, e imos aproveitar isto para traballar.
Prepara una lista de preguntas relacionadas con youtubers de interese, as súas canles, contidos e logros. Se o precisas podes buscar información na biblioteca do colexio ou na Rede. Escríbeas e despois dálles audiencia na clase.
Aquí tes algúns exemplos que che poden ser de axuda:
Quen son os youtubers máis famosos e famosas e populares e por que?
Escribe os nome dos ou das 3 youtubers con máis número de visitas?
Unha vez feitas as actividades anteriores, é o momento de unir forzas.
Xa estás preparado e preparada para contribuír co teu coñecemento e facer un traballo colaborativo.
Recorda que os traballos grupais deben ser elaborados equitativamente e levando as distintas posturas a consenso, é dicir, todas as persoas que participan teñen que estar de acordo co que se vai facer. So así será igualitario.
Seguidamente propomos que fagas un ensaio persuasivo sobre os e as youtubers xuntando as opinións dos teus compañeiros e das túas compañeiras.
Escolle o teu grupo e realizade un texto coas seguintes características.
Realizar un texto argumentativo defendendo o papel dos e das youtubers na nosa sociedade. Cada persoa do equipo deberá achegar ideas e opinións.
Aquí tendes algunhas ideas de exemplo que poderías usar para facer o voso ensaio:
Da mesma forma ca na actividade anterior, podes usar o seguinte formato para crear o documento.
Podes consultar a escala de valoración sobre o ensaio persuasivo para guiarte nesta tarefa.
Podes descargala en ODT desde aquí.
Moitos e moitas de vós sentides grande admiración e curiosidade polo mundo dos youtubers, polas súas vidas e pola cantidade de cousas que nos contan.
Lendo Babarro, X. Teño oito anos e quero ser youtuber (2020) Galaxia; daraste conta de que ser youtuber ten moitas máis cousas.
Licenciado baixo a Licenza Creative Commons Atribución Non-comercial Compartir igual 4.0