Definición:
Estado dos Estados Unidos de América situado na costa leste.
Exemplo:
O estado de Massachusets está ao norte de New York.
Definición:
Transmitir un acontecemento por radio ou televisión sen facer ningunha gravación previa, en directo.
Exemplo:
Imos ver a retransmisión do partido do noso equipo preferido.
Sabes cando empezaron as emisións de radio e televisión en galego? Aínda que a TVG iniciou as súas emisións en 1985, foi a mediados dos anos 70 cando se empezou a emitir un programa informativo en galego. Chamábase Panorama de Galicia e emitíao TVE. A primeira retransmisión deportiva feita integramente na nosa lingua é do ano 1983 e foi un partido de fútbol entre o Valladolid e o Celta feita por RNE. No tocante a programas infantís e xuvenís en galego, foi no ano 1994 cando se emitiu por primeira vez o Xabarín Club
Dende entón a radio e a televisión galegas experimentaron moitos cambios e foron adaptándose ós novos tempos, ofrecendo todo tipo de programas.
A TVG (Televisión de Galicia) empezou a emitir en 1985.
Pero xa antes, a mediados dos anos 70, TVE emitía un programa de noticias en galego.
Chamábase "Panorama de Galicia".
A primeira vez que se transmitiu un partido de fútbol enteiro en galego foi en 1983.
Fíxoo RNE e foi un partido entre o Valladolid e o Celta.
En canto a programas para nenos e mozos en galego, o "Xabarín Club" comezou en 1994.
Dende entón, a radio e a televisión galegas cambiaron moito.
Adaptáronse aos novos tempos e ofrecen moitos tipos de programas.
A primeira retransmisión radiofónica que se fixo no mundo foi no ano 1879. Reginald Fessenden transmitiu, desde Massachusetts (Estados Unidos), un audio que incluía a canción "Oh Holy Night", tocada por el mesmo co violín, e unha lectura de pasaxes da Biblia.
Na imaxe podemos ver o transmisor que empregou. A súa emisión foi escoitada nos barcos que navegaban polos mares próximos. Porén, non foi ata 1910 cando comenzaron as primeiras emisións radiofónicas para entretemento e de maneira regular.
A primeira emisión de radio no mundo foi no ano 1879.
Fixéraa Reginald Fessenden, desde Massachusetts, nos Estados Unidos.
Na emisión soou a canción Oh Holy Night.
El mesmo a tocou co violín.
Tamén leu partes da Biblia.
Na imaxe podes ver o aparello que usou para transmitir.
A súa emisión foi escoitada por barcos que estaban preto.
Pero as emisións de radio para entreter non comezaron ata o ano 1910.
Foi entón cando empezaron a facerse de forma regular.
Antes de continuar investigando sobre os medios de comunicación, é o momento de que reflexiones e contestes no teu diario de aprendizaxe ás seguintes cuestións:
Licenciado baixo a Licenza Creative Commons Atribución Non-comercial Compartir igual 4.0