Unha vez feito todo o noso traballo, debemos sempre avaliar como chegamos ao final do camiño. Neste apartado deixámosvos unha rúbrica para avaliar o voso traballo. Realizádea baseándovos no podcast realizado.
Moita sorte!
Xa fixemos todo o noso traballo.
Agora debemos pensar en como o fixemos.
Aquí tedes unha lista para ver como foi o voso traballo.
Mirade o podcast que fixestes para responder.
Moita sorte!
| Excelente | Satisfactorio | Mellorable | Insuficiente | |
|---|---|---|---|---|
| Lectura do texto | A lectura dos textos faise de maneira expresiva e coidando todos os trazos propios da linguaxe oral: ton, ritmo, entoación e énfase. (4) | A lectura dos textos faise de maneira expresiva e coidando a maioría dos trazos propios da linguaxe oral: ton, ritmo, entoación e énfase. (3) | Na lectura dos textos non se teñen en conta todos os trazos propios da linguaxe oral: ton, ritmo, entoación e énfase. (2) | Na lectura dos textos non se ten en conta ningún dos trazos propios da linguaxe oral: ton, ritmo, entoación e énfase. (1) |
| Contidos | Describen as dúas celebracións vividas no centro en profundidade fixándose nos detalles importantes e preguntando a persoas relevantes. (4) | Describen unha das celebracións vividas no centro en profundidade fixándose nos detalles importantes e preguntando a persoas relevantes. (3) | Describen as celebracións vividas no centro pero sen fixarse nos detalles importantes. Preguntouse a persoas que achegan pouca información. (2) | Non describen as celebracións vividas no centro. A información que nos ofrecen non é importante. Preguntouse a persoas que non nos achegaron información. (1) |
| Calidade das gravacións | As gravacións de audio son correctas. Mestúrase voz e base musical correctamente e aplícanse efectos que facilitan a comprensión. (4) | As gravacións de audio son correctas. A mestura de voz e base musical é correcta pero non se empregan efectos ou estes non contribúen a mellorar a comprensión. (3) | Algunhas gravacións de audio teñen erros de montaxe. Non se empregan efectos e a mestura de voz e música non está ben realizada. (2) | As gravacións de audio teñen moitos erros e non se empregan efectos nin música de fondo. (1) |
| Cabeceira do programa | A cabeceira está perfectamente integrada, ten música e efectos de fondo. Identifícase correctamente o nome do grupo. (4) | A cabeceira está perfectamente integrada, ten música e efectos de fondo. Non se identifica correctamente o nome do grupo. (3) | A cabeceira non está ben integrada, ten música e efectos de fondo. Non se identifica correctamente o nome do grupo. (2) | Falta a cabeceira do programa. (1) |
| Presentación | As catro persoas do grupo presentan a súa parte de maneira clara e correcta. (4) | Tres persoas do grupo presentan a súa parte de maneira correcta e clara. (3) | Só dúas persoas do grupo presentan a súa parte de maneira clara e correcta. (2) | Só unha ou ningunha persoa do grupo fai unha presentación clara e correcta da parte que lles tocou. (1) |
Parabéns! Rematache a fase 5. É hora de achegarte ao teu diario de aprendizaxe.
No diario verás unha serie de preguntas. Algunhas para facer de xeito individual e outras en grupo.
Ánimo!
Licenciado baixo a Licenza Creative Commons Atribución Non-comercial Compartir igual 4.0