Chamaremos mostraxe ao conxunto de técnicas que nos axudan a elixir unha mostra representativa.
A mostraxe pode ser probabilística ou non probabilística.
- Na mostraxe non probabilística (tamén coñecida como mostraxe non aleatoria) non todos os membros da poboación teñen a mesma posibilidade de participar no estudo. É dicir, baséase en criterios de selección subxectivos.
- Na mostraxe probabilística todos os individuos da poboación teñen a mesma posibilidade de ser elexidos para estar na mostra e todas as mostras de tamaño n teñen a mesma probabilidade de ser seleccionadas.
Aquí estudaremos a mostraxe probabilística.
Tipos de mostraxe probabilística:
Aleatoria simple
Procedemento
|
Aleatoria sistemática
É o método de mostraxe aleatoria que require seleccionar mostras baseándose nun sistema de intervalos nunha poboación numerada.
Procedemento
- Coñecida a poboación, N, e o tamaño total da mostra, n, calcúlase o chamado coeficiente de elevación, k. Este coeficiente indica o número de veces que a mostra está contida na poboación.
\[k=\frac N n\]. - Unha vez calculado o coeficiente, escóllese aleatoriamente o primeiro elemento da poboación seleccionado para a mostra.
- A partir de aí o resto de casos escóllense cada certo intervalo, k, ata completar o tamaño da mostra, n, volvendo ao principio da lista se fose necesario.
Mostraxe estratificado
Unha mostra estratificada é onde a poboación se divide en grupos máis pequenos chamados estratos. Os estratos adoitan crearse a partir de grupos homoxéneos de individuos, que á súa vez son heteroxéneos entre diferentes grupos.
Os "estratos" poden, por exemplo, basearse en datos demográficos, diferentes grupos de idade, profesións, etc.
Tipos:
- Uniforme: a mostra repártese en partes iguais en cada estrato.
- Proporcional: o reparto é proporcional ao número de elementos de cada estrato.
Procedemento:
- O primeiro paso é a estratificación da mostra
- Para escoller os participantes en cada estrato, úsase outro método de mostraxe (como a mostraxe aleatoria).
- No caso de ser proporcional, calcularánse primeiro o número de elementos que se teñen que elexir en cada estrato e que dependerá do peso que ten o estrato no total da poboación.
Mostraxe por conglomerados
Unha mostra por conglomerados é onde a poboación está dividida en grupos máis pequenos chamados conglomerados. Os conglomerados adoitan crearse a partir de grupos heteroxéneos de individuos, que á súa vez son homoxéneos entre diferentes grupos.
Os grupos son normalmente naturais, xeográficos ou de outra clase, como diferentes cidades dun país...
Procedemento:
- Divídese a poboación en conglomerados
- Selecciónanse os conglomerados ao azar
- A mostra elabórase de forma aleatoria con elementos de cada conglomerado seleccionado.