Estatísticos

Estatístico: é un número que se calcula sobre unha mostra e que nos informa sobre algunha característica da mesma.  

Os parámetros da poboación normalmente son descoñecidos e hai estatísticos que nos ofrecen estimacións dos parámetros. Neste caso, ao estatístico tamén se lle chama estimador.

Os estatísticos máis utilizados, así coma a súa relación cos parámetros poboacionais, aparecen reflectidos na seguinte táboa:

Parámetros (poboación)	Notación	Estatísticos (mostra)	Notación
Proporción	p	Proporción	\(\hat p\)
Media	μ	Media	\(\overline x\)
Varianza	σ2	Varianza	s2
		Cuasivarianza	\(s^2_{n-1}\)
Desviación típica	σ	Desviación típica	s
		Cuasidesviación típica	sn-1

Por cada parámetro que desexamos coñecer podemos obter unha mostra e calcular un estatístico da mostra, o que nos dará unha estimación do parámetro.

Cando o parámetro e o estatístico teñen o mesmo nome calcúlanse utilizando a mesma fórmula, só que no primeiro caso utilizamos datos da poboación e no segundo dunha mostra, de aí a razón de utilizar notacións distintas para a mesma fórmula. No apartado de actividades resoltas pódese ver o seu cálculo.