As distintas tarefas consisten en:

1. Sinalar nun mapa mudo de Italia a localización dos distintos pobos veciños ou rivales de Roma entre os séculos VI e III a.C

2. Incluír neste mapa as datas (aprox.) do dominio romano destes pobos

3. Expoñer o traballo como presentación na clase

Os seguintes textos dan unha idea da situación da muller na antigua República Romana. Revisa o apartado desta unidade referido á familia en Roma e, apoiándote nestes textos debate na aula a túa propia visión sobre este tema. 

"Estranxeiro, non teño moito que dicirche. Esta é a tumba non fermosa dunha muller que foi fermosa. Os seus pais chamárona Claudia. Amou ao seu marido con todo o seu corazón. Deu a luz dous fillos. Un déixao na terra, ao outro o enterrou. Amable no falar, honesta no seu comportamento, gardou a casa, fiou a la. Non teño máis que dicirche. Segue o teu camiño". (Inscripción latina)

Este fragmento pertence ao escritor romano Séneca:

"Calquera animal, calquera escravo, roupa ou útil de cociña, probámolo antes de compralo; só a esposa non se pode examinar para que non desguste ao noivo antes de levala a casa. Se ten mal gusto, se é parva, deforme, ou lle cheira o alento, ou ten calquera outro defecto, só despois da voda chegamos a coñecelo." (Séneca)