Un programa é un conxunto de instrucións (escritas nalgunha linguaxe de programación) que o ordenador debe seguir para realizar unha tarefa ou resolver un problema.

Nun programa sempre teremos as seguintes fases:

• Información entrante- INPUT
• Información procesada- PROCESO
• Información saliente- OUTPUT

Cando escribimos no ordenador as instrucións (nalgunha linguaxe de programación que o ordenador entenda) para resolver un problema ou realizar unha tarefa estamos PROGRAMANDO.

Hoxe en  día, vivimos rodeados de dispositivos ou máquinas que empregan programas informáticos. Por exemplo: un lavalouzas (a selección da temperatura nun ciclo de lavado) , un teléfono móbil (a selección dun contacto cando queremos chamar a alguén), un semáforo (cando acende a luz verde para que poidamos cruzar nun paso de peóns).