Saltar navegación

ACTIVIDADE 6 PYTHON. BUCLES

Precoñecemento

O uso dos BUCLES é para repetir liñas de código, como vimos en actividades anteriores. En Python como en calquera linguaxe de programación tamén empregamos estas estruturas.

Imos ver os tipos de BUCLES que podemos empregar en Python.

Bucles for

Repite o código sen ter que escribilo de novo. Debemos  usalo cando queremos repetir algo unha cantidade determinada de veces.

Sintaxe

Para realizar un bucle repetitivo deberemos empregar a seguinte expresión

for i  in range  () :

Se queremos repetir unha secuencia un número de veces poñeremos a cantidade entre paréntese.

Exemplo: for i in range (3) :

Se queremos facer un programa para contar , deberemos poñer no paréntese o número polo que queremos comezar e o número por enriba do número máis alto que queremos contar separado por comas.

Exemplo: for i in range (1,53) :

Se queremos facer un programa para contar de forma salteada, debermos poñer no paréntese o número polo que queremos comezar , número por enriba do número máis alto que queremos contar e por último o número de saltos que queremos facer separado por comas.

Exemplo: for i in range (1,10,2) :

Bucles While

Neste caso repetirase un conxunto de instrucións mentres cumpra unha determinada condición que se avalía se é verdadeira. Se o é , reinicia o bucle outra vez e se non o é , saltará a outra instrución.

Sintaxe

while condición :

Exemplo:

while resposta == si :

while i <= 100 :

while flores >= 10 :

Se a condición se fixa como verdadeira realizaremos un bucle FOREVER (por sempre). Neste caso o bucle nunca rematará.

Exemplo:

while True:

Actividade guiada

Imos facer un exemplo de cada tipo de bucle:

BUCLE FOR

  • Programa para amosar os caracteres da seguinte palabra: Ola

for char in "Ola" :

    print (char)

  • Programa para contar dende 1 ata 100

for i in range (1,101):

    print (i)

  • Programa para contar dende 1 ata 50 de tres en tres

for i in range (1,51,3)

print (i)

BUCLE WHILE

  • Programa de preguntas

resposta ="si"

while resposta == "si":

    print ("Non estou de vacacións")

    resposta= input ("¿Hoxe estou de vacacións? Si ou non")

print ( ¡¡Xenial!!)

Agora ti

  1. Queremos contar de 1 ata 100. ¿Cal sería o programa?
  2. ¿Cal sería o programa para facer o cálculo automático de multiplicar o número 1 ata o cen por cen?
  3. Queremos contar dende 1 ata 1000 de dous en dous números. ¿Cal sería o programa?
  4. Queremos facer a conta atrás dende cen ata un. ¿Cal sería o programa?