Retroalimentación

A maioría da xente contestaría que unha pero realmente hai moitas diferentes. Estamos acostumados a ver as aves pero non lles prestamos moita atención. A proxima vez que vexa unha míralle as patas e o pico. Unhas patas amarelas e un peteiro moi potente indican que tes diante a gaivota patiamarela. Así de pouco orixinal é o nome. Máis pequena e coas patas e o peteiro vermello seguramente será unha gaivota chorona.

Retroalimentación

Para nada. Os paxaros son un tipo de ave. A curuxa da imaxe é unha rapaz nocturna, o chasco é un paxaro e a garza é unha zancuda.

Retroalimentación

Pois si, pero non só. As aves necesitan as plumas tamén para manterse quentes. Non obstante, as plumas teñen outra utilidade: buscar parella.

Nas aves é frecuente que a plumaxe da femia sexa relativamente discreta mentres a do macho resulte moito máis chamativa: é o dimorfismo sexual.

Como dato curioso comentar que as plumas non son exclusivas das aves posto que moitos dinosauros tamén as tiñan.

Retroalimentación

Respecto ao lugar de residencia as aves teñen comportamentos tan diversos como os humanos:

• Algunhas viven todo o ano na súa área de cría, no lugar no que poñen os ovos. Son as aves residentes ou sedentarias. Son sedentarias, por exemplo, a maioría dos córvidos, as aves da familia do corvo como as pegas e as choias.

• Outro grupo de aves pasan a súa vida viaxando dun lugar a outro sen ningún patrón fixo. Son as divagantes ou erráticas.

• Por último, as aves migratorias viven a temporada de cría, primavera e verán, nas áreas estivais e pasan outra temporada, outono e inverno, nas áreas de invernada.

Moitas especies de aves migratorias europeas elixen España para invernar. O paso outonal comeza a finais do mes de agosto e pode rematar a principios de decembro. Neste paso as aves adultas viaxan acompañadas das crías nacidas durante o verán.

Unha vez remata o inverno, no mes de febreiro comeza o paso estival de volta aos territorios de cría do norte de Europa.

Retroalimentación

Para aforrar xa que gastan menos enerxía viaxando desa forma. A primeira fai máis esforzo, facendo máis fácil o desprazamento dos outros.

Retroalimentación

O principal motivo polo que migran as aves é a comida. Coas superficies nevadas ou xeadas é moito máis difícil atopar alimentos, pero na primavera estas desaparecen e sementes, insectos ou froitos volven a estar dispoñibles.

Non sabemos moi ben como deciden as aves que chega o momento de iniciar as súas viaxes migratorias pero hai dous factores que seguro que son importantes: a duración do día e a temperatura. Sabemos, por exemplo, que o cambio climático que está provocando o home fai que moitas especies deixen de migrar.

Retroalimentación

Respecto ás distancias que percorren nas rutas migratorias hai variedade. Algunhas apenas viaxan uns centos de quilómetros e outras fan máis de 50 000. Resulta curioso comprobar como moitas aves teñen unha enorme precisión nas súas viaxes.

En Galicia realizouse un seguimento a un virapedras e demostrouse que viaxaba dun bloque do dique de abrigo do porto da Coruña a outro en Canadá. Todos os anos volvía exactamente ao mesmo bloque do porto da Coruña. Tendo en conta que se trata dun ave duns 20 cm de lonxitude tanta precisión é impresionante.