1. Que pasa coa nosa fala?

Glosario

Ávida

Ilusión Definición:

Dito dunha persoa que ten moitas ganas ou desexo de algo.

Exemplo:

Xoán está ávido de coñecemento, non para de facer preguntas!

Difusión

Compartir unha idea Definición:

Proceso a través do cal se transmite algo a diferentes lugares.

Exemplo:

A nova de que estaba enferma difundiuse por toda a cidade.

Divulgación

Información Definición:

Acción de compartir información de forma sinxela para que todo o mundo a comprenda e, deste xeito, poida aprender.

Exemplo:

No Día da Nena e da Muller na Ciencia fomos á biblioteca a por un libro de divulgación científica.

Medio de comunicación

Gabinete de prensa Definición:

Canle a través da cal se comparte información con moitas persoas.

Exemplo:

La Voz de Galicia é un medio de comunicación.

Sentido crítico

Pensar Definición:

Habilidade que ten unha persoa para cuestionar a información que recibe, valorando a mesma.

Exemplo:

Usar o sentido crítico axúdache a tomar decisións máis sabias e a non deixarte enganar.

Tipoloxías textuais

Texto Definición:

Diferentes formas nas que se poden organizar os textos segundo o seu obxectivo.

Exemplo:

Os contos, as descricións, as entrevistas e as fábulas son tipoloxías textuais diferentes.

Xéneros discursivos

Comunicar Definición:

Diferentes tipos de textos que empregamos para comunicar algo segundo o que queremos expresar.

Exemplo:

Os anuncios publicitarios son un xénero discursivo.

A prensa galega en perigo!

A prensa galega corre perigo. Cada vez son menos os xornais e as revistas escritas en lingua galega. Esta é unha problemática a que debemos enfrontarnos, e sobre que temos que reflexionar. Como é posible que un dos xornais máis importantes de Galicia, La Voz de Galicia, teña a gran maioría de noticias publicadas en lingua castelá?

Por que non lle botas unha ollada ás seguintes novas? Todas elas proceden de diferentes medios xornalísticos de Galicia (La Voz de Galicia, El Salto, ABC Galicia).

El gallego es minoritario por primera vez en Galicia y desconocido para un tercio de los niños.

El uso del castellano se asienta frente al del gallego entre las nuevas generaciones.

"Hai que querer falar a lingua galega"

Que cres que teñen en común? Hai algo que te chame a atención?

Tal e como seguro que comentaches cos teus compañeiros e compañeiras, o que estes tres titulares teñen en común é que denuncian a situación precaria do galego sen facer uso do mesmo.

O galego está a desaparecer pouco a pouco, perdendo cada día futuras xeracións de falantes. Un dos eidos nos que está a desaparecer, é o eido xornalístico, tal e como podes observar nas seguintes novas recollidas no diario NósDiario, o único xornal de Galicia que segue a publicar en galego.

O Colexio de Xornalistas lembra que o xornalismo tamén é "esencial para a supervivencia do galego"

Amega publica unha guía sobre a historia dos medios en galego

Agora que xa sabes a situación que están a vivir os medios de comunicación galegos, é o momento de pensar que podes facer cos teus compañeiros e compañeiras para afrontar a esta problemática.

Que che parece se nos transformamos todos e todas en xornalistas? Persoas dispostas a escribir en galego, contribuíndo á difusión e ao uso da nosa lingua, a través da divulgación de diferentes novas.

Xornalista Noticia Galicia

O noso centro educativo é do máis interesante… Sempre están pasando cousas! Asemade, a xente é ben curiosa, sempre ávida de noticias.

Que pode haber máis interesante que elaborar o noso propio xornal onde incluír non só as novas que acontezan no centro, senón todo tipo de información?

Lectura facilitada

A prensa en galego está en perigo.

Cada vez hai menos xornais e revistas que o usen.

Fíxate ben nas seguintes noticias de diferentes xornais galegos.

Que teñen en común? Sorpréndeche algo?

Todas as novas denuncian que o galego está en perigo, pero non usan o galego.

A lingua galega está a desaparecer.

Un dos lugares onde máis se está perdendo é nos xornais.

O único que segue publicando en galego é NósDiario.

Que podemos facer para cambiar isto?

Que tal se nos convertésemos en xornalistas que escriben en galego?

Audio

Por onde comezar?

Converterse en xornalistas non é doado, por iso, che propoñemos que lle botes unha ollada á biblioteca do teu centro! Seguro que atoparás algún xornal que vos sirva, a ti e aos teus compañeiros e compañeiras, como exemplo para ir coñecendo a estrutura do mesmo!

Xornal Biblioteca