Saltar navegación

A instrución

Os textos instrutivos

Os textos instrutivos son os que dan indicacións ou explicacións sobre como facer algo. Xeralmente, están escritos en pasos para que a persoa que os lea poida seguir as instrucións facilmente. Un exemplo son as receitas de cociña ou as normas dun xogo, onde se explica de forma clara e sen confusións os pasos a seguir en cada momento.

ReceitaMontar clarasCociñarReceita

A ESTRUTURA DOS TEXTOS INSTRUTIVOS

Os textos instrutivos presentan a seguinte estrutura característica.

TÍTULO

  • Indica o nome da instrución ou da actividade.
  • Debe ser claro e directo. 

Exemplo: Como facer unha limoada natural. 

InstruciónsClara


DESENVOLVEMENTO OU NÓ

  • Serve para prepara todo o que se necesita antes de comezar. 
  • Poder levar títulos como:
    • Materiais necesarios. 
    • Ingredientes. 
    • Pasos a seguir. 
  • Deben aparece en forma de lista, ordenados con claridade. 

Exemplo: 

Ingredientes básicos para a elaboración dunha limoada: 

-Limón. 

-Agua. 

-Azucre.

ClaraOrdenar


INSTRUCIÓNS OU PASOS A SEGUIR

  • Indican que é o que hai que facer paso a paso. 
  • Usan verbos no imperativo (por exemplo: colle, mestura, corta)
  • A orde dos pasos é importante. 
  • Pódese numerar para maior claridade, de feito, é recomendábel.

Exemplo: 

Pasos para a elaboración dunha limoada sinxela: 

1. Pela 4 limóns. 

2. Pon a codia dos limóns no vaso do batedor.

3. Retira a semente dos limóns. 

Etc. 

SeguirDirixir


REECOMENDACIÓN OU CONSELLOS FINAIS (OPCIONAL)

  • Achegan trucos, advertencias ou ideas para mellorar o resultado. 
  • Comezan con frases que recomendan. 

Exemplo: podes engadir, ten coidado con, se queres que saia mellor, etc.

Ter unha ideaMellorar


Lectura facilitada

Os textos instrutivos teñen unha forma concreta para que sexan fáciles de seguir.

Vexo que sempre teñen un título claro.

O título di o que imos facer.

Despois, eu busco o que necesito para empezar.

Esta parte di os materiais ou ingredientes.

Normalmente aparece en forma de lista.

Logo, eu sigo os pasos.

Os pasos dinme o que teño que facer un por un.

Sempre usan verbos que dan ordes.

É mellor se os pasos están numerados.

Finalmente, eu busco consellos ou trucos.

Estas ideas axúdanme a mellorar o resultado.

Sempre presentes

Aínda que poidas pensar que os textos instrutivos non son tan frecuentes como os vistos en apartados anteriores, se te detés un segundo a pensalo, están en todas partes: nas receitas de cociña, nas indicacións para montar un moble, nos medicamentos, e mesmo nos enunciados dalgúns dos exercicios que terás que realizar (ou que xa realizaches) neste tema. 

Pensa nalgún texto instrutivo que se che veña á cabeza e coméntao cos teus compañeiros e coas túas compañeiras. Seguro que moitos e moitas coincidides!

Texto instrutivo sobre "Como facer filloas"

Como facer filloas

As filloas son un prato tradicional da cociña galega que se prepara especialmente no Entroido. Son como unhas tortas finas e saborosas que se fan con poucos ingredientes. Se queres aprender a facer filloas, sigue os seguintes pasos!

Introdución:

Neste texto, vas aprender como facer filloas. Necesitarás algúns ingredientes simples e, seguindo as instrucións, poderás preparalas facilmente en pouco tempo.

Material necesario: 

  • 250 gramos de fariña de trigo. 
  • 2 ovos. 
  • 500 mililitros de leite. 
  • 50 gramos de manteiga derretida. 
  • Un pouco de sal. 
  • Un pouco de azucre (opcional, se che gustan os doces). 
  • Aceite para fritir. 

Pasos a seguir 

1. Preparar a masa. 

Nun recipiente grande, mestura a fariña, os ovos, o leite e a manteiga derretida. Engade un chisco de sal e, se queres que as filloas queden máis doces, tamén podes poñer un pouco de azucre. Mestura ben todo coas mans ou cun batedor até que a masa quede sen grumos e suave.

2. Deixar repousar a masa: 

Deixa repousar a masa durante uns 30 minutos. Isto axuda a que a mestura tome mellor consistencia e as filloas saian máis suaves.

3. Preparar a tixola: 

Pon unha tixola non adherente ao lume e engade un pouco de aceite para que non se peguen as filloas. Déixaas quentar ben antes de comezar a cocer as filloas.

4. Facer as filloas:

Cando a tixola estea quente, volve mesturar ben a masa e, cun cullerón, colócalle un pouco na tixola. Xíraa para que a masa se reparta ben e cubra toda a superficie, formando unha capa fina. Deixa cocer a filloa uns 2 minutos por cada lado ata que estea dourada. Se queres que as filloas saian ben finas, podes usar menos masa para cada unha.

5. Repetir o proceso:

Vai facendo as filloas unha a unha. Se a tixola necesita máis aceite, engádeo antes de facer a seguinte. Pódese cambiar a temperatura do lume se ves que as filloas se fan moi rápido ou moi lentas.

6. Servir e gozar:

Unha vez que as filloas estean feitas, podes servirlas tal como están ou poñerlles un pouco de azucre enriba, mel ou mesmo chocolate para que teñan un sabor máis doce. E xa están listas para comer!

Conclusión:

Agora que xa sabes como facer filloas, anímate a probar esta receita na casa. Son deliciosas e perfectas para compartir en familia ou con amigos!

Ordenar

1. Introdución:

Presentación do obxectivo do texto e do que aprenderá o lector (facer filloas). 

2. Material necesario: 

Lista dos ingredientes e utensilios necesarios para realizar a receita. 

3. Pasos a seguir:

Descrición detallada e secuencial das accións que deben realizarse para facer as filloas. Estes pasos están ordenados para que se poidan seguir de maneira clara e sinxela. 

4. Conclusión:

Resumo e recomendacións finais sobre a receita, destacando o resultado e animando a realizar a actividade. 

Feito con eXeLearning (Nova xanela)