Presentación e exposición

Para rematar un proxecto técnico de cooperación como é o Ligamundos é imprescindible que os membros do equipo técnico encargado de elaboralo sexan capaces de comunicar o resultado do seu traballo. Deste xeito compartimos o noso traballo ao tempo que coñecemos o dos outros grupos

Elaboración dunha presentación de diapositivas

Nesta etapa propoñémonos elaborar unha presentación de diapositivas co obxectivo de presentar cada un dos proxectos piloto de Ligamundos a todos os compañeiros.
Trátase de elaborar unha presentación que recolla a seguinte información nun máximo de 10 diapositivas:

• Proxecto Piloto Ligamundos: Lugar de realización, data, nome dos compoñentes do grupo.
• Mapa de localización do proxecto.
• Datos relevantes do lugar onde se desenvolverá o proxecto piloto.
• Imaxes ou ligazóns a algún vídeo do lugar ou da comunidade.
• Descrición da solución técnica escollida.
• Imaxe do deseño definitivo e nome do espazo comunitario de acceso a Internet
• Proposta de servizos  que ofrecerá o centro.
• Valoración final.

Para a elaboración da presentación de diapositivas podedes empregar todo o material elaborado anteriormente. Unha presentación de diapositivas debe resultar visualmente atractiva e as imaxes que escollamos teñen unha especial relevancia.

Exposición pública do proxecto

Por último os membros de cada grupo faremos unha exposición pública do proxecto piloto, apoiándonos na presentación de diapositivas elaborada na fase anterior.