Groenlandia

Pequena localidade costeira (Groenlandia)

Groenlandia é unha das illas mais grandes do mundo. O 80% do seu territorio está cuberto de xeo, polo que é un país que se ve moi afectado polos problemas ambientais derivados do quecemento global e o desxeo.

Ittoqqortoormit é unha localidade de Groenlandia duns 600 habitantes que queda incomunicada durante moitos meses no inverno. A maioría dos seus habitantes pertencen a etnia Inuit. É un dos pobos mais alonxados de Groenlandia, apenas accesible por helicóptero ou por barco durante uns poucos meses ao ano. Durante os 9 meses máis fríos o mar conxélase. Ittoqqortoormit está situada no sistema de fiordo máis longo e grande do mundo, facendo que a paisaxe sexa impresionante. Tamén está situada na contorna do Parque Nacional do Noreste de Groenlandia.

Situación de partida:

Ittoqqortoormit conta cunha rede eléctrica estable durante todo o ano e con cobertura para a telefonía mobil vía satélite. Existe unha escola con primaria e secundaria e un centro médico. Tamén conta cunha estación de investigación científica.

Tradicionalmente os habitantes desta rexión vivían do sector primario pero cada vez toma máis forza o turismo de natureza, o problema é que son empresas foráneas as que se benefician do sector turístico da rexión.

Programa Ligamundos: proxecto piloto Groenlandia.

O Programa Ligamundos pretende desenvolver un dos seus proxectos piloto nesta vila. O proxecto piloto consistirá en facilitar un acceso estable a Internet durante todo o ano nun espazo social comunitario. Este espazo ademais servirá de centro de desenvolvemento turístico da rexión dende o cal os propios habitantes da vila poidan organizar e ofertar servizos turísticos pola zona.

Tendo en conta que durante moitos meses do ano os habitantes da vila quedan illados, o centro ofertará un programa de actividades para a comunidade que faga máis levadeiro o paso do inverno. Ademais contará cun espazo-biblioteca destinado á comunidade escolar, persoal sanitario e científico e en xeral a todos habitantes da vila.

A partir desta información comeza a investigación proxecto piloto. Pasamos á fase de exploración.

Viaxamos cara a Groenlandia.