Exploramos
|
|
| Foto en Flickr de Enokson baixo CC BY-NC-SA 2.0 |
Nesta fase de Ligamundos procuraremos información en Internet sobre a localización e o modo de vida da comunidade á que vai dirixido o noso proxecto piloto. Onde está situado? Como viven os seus habitantes? Cales son as condicións climáticas? Para respostar estas e outras preguntas exploraremos en equipo varios aspectos relacionados co lugar onde se desenvolverá cada un dos proxectos piloto, aproveitando os recursos que nos ofrece Internet.
A fase de exploración consta de tres apartados: Área Xeografica, Economía e sociedade, Cultura.
Nesta fase:
- Exploraremos a fondo o noso campo de traballo para preparar as fases sucesivas.
- Crearemos un Cartafol de Proxecto en Internet.
- Procuraremos información utilizando distintos motores de busca, directorios e outras fontes de información.
- Compartiremos distintos formatos de documentos na Rede (imaxes, vídeos, audios...).
- Utilizaremos o procesador de textos para maquetar a información resultante da exploración.
- Capturaremos unha imaxe en pantalla.
- Utilizaremos un programa de edición de imaxes.
- Faremos uso dun foro de discusión.
- Converteremos un documento a formato PDF.
Orientacións
- Para desenvolver este traballo crearemos e compartiremos un Cartafol de Proxecto na Rede no que os compoñentes de cada equipo achegaremos a información que nos axude a localizar e describir o lugar onde se vai desenvolver o noso proxecto piloto. O Cartafol de Proxecto levará o nome do noso equipo de traballo.
- Para recollermos a información crearemos un documento de texto compartido que iremos completando seguindo os modelos que nos proporciona Ligamundos..
- Ao remate do traballo de exploración crearemos un documento conxunto onde figurarán de maneira ordenada os tres apartados de que consta a fase de exploración. Convertiremos este documento a un formato PDF e subirémolo ao noso Cartafol de Proxecto. Este documento vai ser moi útil para consultar durante a fase de elaboración do proxecto e na fase de exposición pública do traballo.
- Durante toda a fase de exploración debemos recoller e sinalar as fontes onde atopamos a información que obtivemos.
Licenciado baixo a GNU Free Documentation License